Xuño 2019

10-6-2019

ate o 40 de maio


até o corenta de maio
non te saques o saio
di a tradición popular
pero xa nos últimos anos
o frío ía e viña ía e viña
até o 50 e 60 de maio
son cousas do capital
dos seus tubos de escape

dos cruceiros dos avións...
da condición do aire
e do aire mal acondicionado
das chimeneas e das caldeiras
cousas do cambio climático

 

 

05-6-2019

dia do medio ambiente

 


día mundial do medio ambiente
dos mares e das montañas
día das algas e das medusas
dos fentos das flores das árbores

día dos caramuxos e dos saltóns
dos golfiños e das aguias
día pois da natureza toda
e día dos humanos tamén !?

foto na lagarella

01-6-2019

medio pan e un libro ninguens

 


medio pan e un libro
un libro e medio pan
millo ou trigo pro xantar                  
as palabras pro espirito
dixo lorca o granadino
os dous deben ir da man

pan e libros cos ninguéns
entre lorca e galeano
imos da man e da mano
neste mundo do revés
boas cabezas mans e pes
vós seguide moitos anos

educación e cultura
van co traballo social
un libro e medio pan
coida e aprende da natura
e as consciencias xa maduran
cos outros hai que ir da man



praza da pescadería

neste tan inxusto vigo

cos ninguéns nós compartimos

cantigas e poesías

seguide coa travesía

entre compas pans e libros


manolo pipas