25-7-2017

da matria e do carballo

 



escribin a palabra matria
como posible titulo dos versos
para este vintecinco de xullo
e a folla dixital ou documento
ficou valeiro dous dias
o sabado coa poalla escribin
ollando pros meus veciños carballos
sobre o noso pais da chuvia
agora de piñeiros e arcolitos
dos incendios e dos chapapotes
das vias inauguradas sen seguridade

recoñezo que prefiro o 17 de maio
sobre todo antes de ser festivo
pero xa estas duas datas
perderon moito do seu aquel
mais seguimos manifestandonos
e sobre todo nestes dias
encontramonos e compartimos afectos

o carballo ten miles de follas
e todas elas valen o mesmo
e ao final do outono todas van caindo
e paseniño van formar parte da terra
e logo do descanso da arbore
na primavera xurdirán follas novas

o cronista

 

 

24-7-2017

os leons que choran



do pais da area ardente
a terra das templadas augas
de tinduf a paraños e bembrive

a cativa muna pode intercambiar
mui poucas palabras con nos
e con mimica dinos que os leons
da fonte da carballeira
dos ramallos estan chorando

manolo pipas

23-7-2017

ramallos augas e terras

 


os ramalliños dos morenos
baixo a poalla e baixo o sol
sonaron outra vez nesta carballeira
daquel antigo concello de lavadores

a gotinha de agua da chaira alentejana
escorregou polos ramallos do eifonso
e despois das melodias dos muiños
foron ritmos da verde illa de irlanda

o sureño bosque chileno de violeta parra
chegou a esta fisterra do castrexo norte
e os versos para o pobo saharaui do deserto
puxeron en mais valor as nosas arbores e augas


imaxes gonzalo caride

cantigas karina mouriño 

versos manolo pipas



20-7-2017

tres malotes



tres feitos incribles

entre a politica e o espectaculo

en dous surrealistas dias
o capo do futbol levano preso
a xustiza a ultima en enterarse
de que era un grande ladron
e un dos capos da banka
parece que se suicidou
cunha escopeta de caza
e a ver se crea escola
e o terceiro persoaxe
o da foto case resucita
xustiño un 18 de xullo
i en catalunya

o cronista


19-7-2017

carballeira dos ramallos



carballeira dos ramallos
na túa sombra celebramos
eses teus miles de ramas
en bembrive a romaría
con palestra e poesía
xantar roteiro e foliada

dos ramallos carballeira
a tua rica floresta 
sobre as augas do eifonso
o sabado celebramos
entre fadas e bispardos
do noso autóctono bosco


dos ramallos carballeira

do muiño as muiñeiras
esta tribo foi medrando
vellas cantigas de amigo
foron abrindo o camiño
carballeira dos ramallos


manolo pipas


18-7-2017

coitadas illas cies



ai coitadas illas cies
seica alguns animais
de duas patas e sen vacunar
da inxusta cidade do alfageme
queren que vos sexades
patrimonio da humanidade
excluindo as outras

irmans illas atlanticas

as illas cies seica parque nacional
xa son patrimonio do humanitario turismo
nestes dias de veran e noutras datas
masificadas con varios miles de persoas

o cronista



17-7-2017

salgada oliveira

 


a oliveira
á beira da ría
é unha salgada árbore
salgadas tomamos as olivas...

 

 

 

15-7-2017

saudades do mar exeo 2



a mestiza trova helena
do lonxano mar exeo
centos de portos e illas
rebétiko e mareo
encontros e desencontros
entre esmirna e o pireo

nikos sarris ten morriña
entre teis e mais toulouse
desgarrada a sua voz
e as suas cordas do sur


do concerto de onte
no uf negra sombra
e recitado as tantas
na terraza do galeria

imaxe peter punk
versos manolo pipas

12-7-2017

nogueira e pazo

 


esta grandota nogueira
tapa o pazo da escola
tamen os muros da casona
poden tapar as miserias
do que fora o seu señor
e da criada que dixo non
pero foi ser nai solteira

por mañufe

 

10-7-2017

as mortes do deserto



niamey agadez arlit
achegour madama sabha…
gao kidal tamanrasset ghardaia...
poboacions do deserto africano
da ruta dos desprazados das fuxidas...
nomes nas linguas dos continentes
ou das linguas dos colonizadores
pero todos lugares malditos estes anos…

dixo un traficante de persoas
os medios falan moito
dos mortos do mediterraneo
pero eu creo que morren
mais migrantes no deserto...
e poucas veces recollen os corpos
e ninguen os pode contar …

o cronista


Distribuir contido