18-3-2020

queridas sanitarias


miña amiga sanitaria
pra vos todo o meu afecto
vos que estades desbordadas

incompetentes gobernos
non miraron o perigo
e faltanvos moitos medios

e o virus non vai parar
faltan luvas mascarillas
faltan camas e hospitais


a consigna insuficiente

na casa quéda na casa

que pare todo o non urxente

...


desde a casa

 

 

15-3-2020

confinados na casa


as rúas e prazas baleiras
pero o seu silencio non é aterrador
como oin estes días nos medios
aterrador é o ruido do consumo
e o de todos os exercitos
e das fabricas de armas

con retraso foi decretado
o chamado estado de alarma
paralizando moitas actidades
e o estado toma a sanidade privada
ese estado que foi vendendo
moita sanidade pública 
 
un tempo confinados na casa
pois a mirarnos para dentro
e pensar na nosa sociedade 
e sair ao balcón nas horas sinaladas
para aplaudir aos sanitarios




13-3-2020

do virus e nós


o pequerrechiño virus
espallouse por todo o globo
mentres os gobernantes dos paises
non facían case nada
e rezaban para que non pasase

o pequerrechiño virus
ten en xaque ao primeiro mundo
co medo que se propaga aínda máis ca el

o atroz consumo que nos levóu
a emerxencia climática
non nos deixaba pensar
que o primeiro é a saúde
e o pequerrechiño virus
ralentizóu a maquinaria do capital
coa súa contaminación e outras desfeitas

e que paradoxo que en china respiran

mellor agora que hai unhas semanas



 

 

08-3-2020

feminista 8 de marzo

 

 

 

04-3-2020

paseo con estrella


lembro aquel último
paseo por redondela
mui lentos os teus pasos
e os meus acompañándoos
a nosa conversa de vagar
baixo as grandes árbores
da verde alameda
grande foi a túa dor

a vila estaba tranquila
e o paseo seguiu polo río
lentos pasos conversa fonda
coa marea mui baixa
que baixe a dor dos teus

atoparémonos noutras conversas

noutras marchas noutros coros
atoparémonos noutros paseos

manolo pipas



03-3-2020

epigramas de ernesto cardenal


Muchachas que algún día leáis
emocionadas estos versos
y soñéis con un poeta:
sabed que yo los hice para una como vosotras
y que fue en vano.

Esa será mi venganza:
Que un día llegue a tus manos
el libro de un poeta famoso
y leas estas líneas que el autor escribió para ti
y tú no lo sepas.

Me contaron que estabas enamorada de otro
y entonces fui a mi cuarto
y escribí ese artículo contra el Gobierno
por el que estoy preso.

Yo he repartido papeletas clandestinas,
gritando: ¡VIVA LA LIBERTAD! en plena calle
desafiando a los guardias armados.
Yo participé en la rebelión de abril:
pero palidezco cuando paso por tu casa
y tu sola mirada me hace temblar.

ernesto cardenal
nicaragua 1925-2020


02-3-2020

raio vento terra miguel


vento raio e terra
miguel cartas e cantos
poeta das ausencias

terra vento e raio
ausencia de ti miguel
triste camiña marzo

marzo camiña triste
desde a última prisión
o seu verso resiste


as palabras o alento

memorias e ausencias

raio terra e vento

respirabas palabras
entre muros e reixas
miguel cantos e cartas


manolo pipas

 



01-3-2020

carta de miguel hernandez


...
Escríbeme   llegará
tu carta al rincón sangriento
donde se agranda el colmillo
y se enfrentan los incendios.
Fieras peores que fieras
también fieras nos han hecho
y acabarán con nosotros
si no acabamos con ellos

Mientras los colmillos crecen,
cada vez más cerca siento
la leve voz de tu carta
igual que un clamor inmenso.
La recibiré dormido,
si no es posible despierto.
Y mis heridas serán
los derramados tinteros,
las bocas estremecidas
de rememorar tus besos,
y con su inaudita voz
han de repetir: te quiero.

miguel hernández


poeta silenciado

polo mal-goberno da capital

deste estado post-franquista 

en cursiva versos que ficaron

no borrador do poema




29-2-2020

camiños vellos de coia


figueirido espedrigada
quintela mina e xuncal
as travesas e o resío
a raposa i esturáns
nomes dos camiños vellos
daquela coia rural
camiños vellos de coia
do lagares até o mar

balaído e a carballa
entre os pozos e pelaios
camiños vellos de coia
dos carros de bois ao asfalto
dos vosos nomes e vida
din que hai cincocentos anos
polo chouzo e a seara
inda nós ben camiñamos

carballa espedrigada
camiños lugares vellos
uns poucos inda perviven
outros desapareceron
e algúns mudaron o nome
son as cousas do progreso
camiños vellos de coia
neles inda nos veremos

en figueirido


27-2-2020

de zaldibar a wuhan


escribo desde o planeta do lixo
desde vigo a zaldibar e wuhan
lixo lixo e máis lixo

lixo de mineiría e industria
desperdicios alimentarios
escombros da construcción
asasinos desperdicios químicos
e miles de toneladas
de desperdicios sanitarios
desde xeringas a marcarillas

lixo tratado lixo mal tratado
e sobre todo lixo sen tratar
este planeta industrial
é un grande basureiro

un inmenso basureiro
pero so é un punto de lixo
un puntiño no medio do cosmos



Distribuir contido