Abril 2010

para o pobo de oaxaca
hoxe de luto outra vez

mediados do mes de abril o millo xa está nacendo
o cereal que deu mais forma a cultura dos galegos

este gran que veu de lonxe dese novo continente
america mal chamado outro ultraxe as suas xentes

este millo ou mainzo foi ocupar o espacio
do cereal anterior co seu nome suplantado

o canastro a debullada o muiño a muiñeira
este millo que da pe aos nosos cantos e festas

o millo e o pan de millo entre lendas e refrans
din que trae mala sorte do revés poñer o pan

cando atopes polo monte na noite a santa compaña
se non queres que te leven debes comer pan rapaza

e se tiras un anaco debes dar un bico ao pan
isto contaronme os vellos que non falan por falar

millo marelo e bermello millo branco millo corvo
moitas terras sementadas do temperán ao serodio

   pero o millo meus amigos foi perdendo o seu espacio
moita terra abandonada e na mesa desprazado

neste tempo de voltar con novos ollos pro campo
debe o millo camiñar con mais vida ao noso lado

lariño
galiza abril do 2010

posdata
encargoume cesar lema
un corrido sobre o millo
e xa podedes cantalo
con foliada ou corrido

a pedra e as chozas / camiñan parellas
casas e muiños / e os muros das leiras
pontes e cruceiros / que che dan o paso
terra do granito / de duros paisanos
pedras lavadeiros / cantas escaleiras
tamen os canastros / coas suas cubertas
casas que se caen / agora se arranxan
o vello granito / que nunca descansa

.

as chozas e a pedra
antes e agora
camiñan parellas

darredor da casa / vai un empredrado
as vellas sopenas / baixo os nosos pasos
pedra ben feitiña / cadrada sopena
ti ben que nos dabas / unha boa mesa
unha estraña pedra / vai facer un banco
parece un menhir / alguén dixo un falo
estas duas pedras /non son indultadas
que segue o empedrado / darredor da casa

as chozas e a pedra
antes e agora
camiñan parellas

entre unhas silveiras / foron ocupadas
duas boas pedras / por unha lagarta
a toba o reptil / non conservará
estas duas lousas / seguen a empedrar
algunhas visitas / as chozas chegaron
viven na cidade / camiñan pro campo
tolo mes de abril / de sol e poalla
hoxe van uns versos / os corpos descansan

as chozas e a pedra
antes e agora
camiñan parellas

as chozas 24-4-10

ser solidário assim p'ralem da vida
por dentro da distancia percorrida
fazer de cada perda uma raiz
é improvavelmente ser feliz

de como aqui chegar nao é mister
contar o que já sabe quem souber
o estrume em que germina a ilusao
fecundará por certo esta cançao

ser solidário, sim, por sobre a morte
que depois dela só o tempo é forte
e a morte nunca o tempo a redime
mas sim o amor dos homens que se exprime

de como aqui chegar nao vale a pena
já que a moral da historia é tao pequena
que nunca por vingança eu te daria
no ventre das cançoes sabedoria

ser solidario assim pr'além da vida
por dentro da distancia percorrida
fazer de cada perda uma raiz
é improvavelmente ser feliz

josé mário branco

actor e trovador portugués
que manten vivo o espirito
da revolucion dos cravos

para o colectivo a porta
verde do sétimo andar

aquelas portas de portugal
pechadas mal pechadas
ducias e centos de anos
antes do vintecinco de abril

aquelas portas que se abriron
mentres na galiza seguian
outras portas mal pechadas
moitas que se tardaron en abrir

neste filo café da negra sombra
na crise a critica e os cravos
os cravos bermellos da verdade
a memoria a creacion a construccion
as imaxes as palabras e os cantos
esas flores esas plantas e esas árbores
esas arbores e ese bosque de abril

vigo 24 de abril do 2010

este poema coa trova de abril
e as quadras a beira da casa da horta
foi a miña pequena aportacion
esta noite pasada no negra sombra