verso a verso
nota a nota
a lua a noite
xa toda rota
nota a nota
a lua a noite
xa toda rota
este piano pechado é coma un rumor
o vello reloxio de parede quixera parar
no medio deste intre luminoso e afectivo
de fondo unha banda de envolvente jazz
somos solitarios parellas tríos e grupos
cada mesa co seu necesario sentimento
a pandilla pide que lle fagan unha foto
ben rodeada de salgados pasados tempos
pido un pequeno copo de saudade verde
e ven con olivas e galletas de cinco puntas
no lokal hai caras coñecidas e outras novas
ao bar hipólito gárdolle unhas preguntas
este piano pechado coma un cálido rumor
dentro e fóra este rumor non vai parar nunca
imaxe darío alves
envolventesaspalabras.info espazo coordinado por lariño
realizado e albergado en promathea ;)