cen anos con fidel

as maceiras e as palmeiras
en láncara irmanadas
por cuba e por fidel
nestas terras rosalianas
cantos e agradecementos
por unha vida entregada

ángel pai dos irmáns castro
nacéu nesta aldea e casa
río neira e río miño
polo atlántico a la habana
esta é a casa de fidel
en láncara din as paisanas 
un centro de emigración
agora son as estancias
cociña habitacións cortes
contan historias lonxanas
des emigrantes en cuba
de vidas atravesadas

fidel non quixo o seu nome
pra colexios e pra prazas
xunto a casa do seu sangue
xa ten o martí unha estatua
o político e o poeta           
aquí pousóu a ollada
en agosto xoves trece
cen anos da súa chegada
esta homenaxe a fidel
palabra galego-cubana

por maceo e por guillén
polo asalto ao moncada
sierra maestra e turquino
fidel camilo e guevara
por esta revolución
que resiste golpeada
discursos décimas trovas
e todas foron martianas
por esta pequena illa
que sempre foi solidaria

manolo pipas