Agosto 2026

raíces de mar na librería
e terraza de paraísos de papel
perto da rúa rosalía de castro
por onde pasaba o antigo tranvía

disco e libro cancións e poemas
as palmeiras e o amigo principiño
a cativa sentada no chan calcetando 
os tambores e a guitarra marcelina
e a nena loira móvese algo cos patins
takadum e a memoria de carlos

e seguiron as nosas conversas

dos anos mozos e os concertos
na outra ponta da longa terraza
entre fermentados e cociñados
da terriña e doutras lonxanas costas
e do arrecendo das ondas salgadas
pasamos ao son dos chorros das fontes
onde as cativas xogaban e xogaban
coas augas que subían e voltaban
e viñan e mudaban a mollada roupa

rían e comían algo pra logo correr

pras fontes a empapar outra

paraísos de papel terraza e librería

con raíces de mar de roxana mouriño
e todas nós somos dakídasrrías

              manolo pipas