letras en coia

         a angel de coia

día das letras en coia
nesta volta do gregorio
na praza do bar bouzas

abaixo o roubado mar
arriba esquecido castro
se as pedras quixeran falar

maio dezasete rosalía
canta memoria que é loita
por alí pasaba o tranvía

cruzaba coia outra liña
e paráronas cando eu nacín
baixo a nosa casa na florida 

escribín estas triadas
polas terras do xuncal
agora da miñoca praza

prazas camiños e barrios  
lugares campos e presas
lavadouros e canastros

versos cantos pandeiretas
coia a dezasete de maio
netas e netos das cantadeiras

triadas escritas e recitadas
nas letras do ano pasado