Maio 2014

dúas mans de mulleres
con todo o seu mimo
danlle vida aos grans de area
e ao café sobrante da infusión

a area salgada desta ría
e o café de lonxanas terras
que acompaña as nosas
conversas dóces ou amargas

e con outras femininas mans
e unhas areas coloreadas
foi medrando no chan
este reivindicativo maio
dos dereitos sexuais e reproductivos
da marcha mundial das mulleres

a terra a auga
a brisa a chama
a lúa a árbore a montaña

a espiral a tribo a casa
a raiz a serpe a nube a ave
a travesía a camiñada

a vida a morte a calma
a luz a cova a illa a sal
a aldea a fala a alma

a fonte a canción a memoria
a caracola a asamblea a praza
a cidade a marcha a revolta...

e a guerra que guerra tamén
é unha palabra feminina
pero a guerra non é da muller

a sementeira a flor a colleita
a porta a estrela as brasas
a ollada a palabra a aperta

hoxe o chamado día
da muller antimilitarista
nova versión do poema
terra auga brisa chama
xa publicado nestas follas

manolo pipas

déronnos onte postre
e aos nenos tamén uns bombóns...

o día despois das letras
non hai resaca literaria
nen resaca digamos folklórica
que isto foi o que primou onte
e non as letras e a canción de autor

onte non deberan
estar pechadas as librerías
pero na nosa cidade houbo unha
que tivo os seus andeis abertos
firme a súa barricada

pasou o outono e o duro inverno
aran os tractores e sementamos
e agardemos que chova un pouco...

como cada dezasete de maio
manifestámonos uns poucos
na rúas e en todas partes
un paso adiante galiza
non máis pasos para atrás
revélate dunha vez penélope!

o cronista