Maio 2014

15-5-2014

o té verde e a palabra




os nosos tres vasos de auga
imaxino que son tazas de té verde tazas
nunha mesa nunha pobre casa
imaxino que estamos nunhas rúas
estreitas ou nunha vella praza
e platicamos e platicamos e a palabra
debe marcar a vida de grandes e rapazas
así queremos que sexa palestina
cisjordania e gaza

polo recital de nakba
con moncho e servando en andel
onde recitamos poemas de alá e acá
e cantamos á palestina e a penélope
e a outras terras e mulleres e homes
imaxe xaime nogueira

manolo pipas

14-5-2014

1948-2014 volveremos a casa




Poesía, música, historia, fotografía...
Recital para conmemorar a Nakba,
con Servando Barreiro,
Moncho Iglesias Míguez
e Manolo Pipas.
Palestina este xoves,15 de maio,
ás 20:30 horas, na libraría
Andel (Camelias, 102. Vigo)
volveremos a casa



12-5-2014

romance da andaina galiñeira




deste outeiro de erville
         ao cumio do galiñeiro
ruta circular masiva
         con adultos e pequenos
primeiro nós camiñamos
         pola pista entre piñeiros
das árbores aos arbustos
         seguen rochas e penedos
e no cumio nós paramos 
         camiñantes montañeiros
ollada aos vales e a costa
         as nubes xogan co vento

e seguimos cara abaixo
         a andaina de regreso
o soliño e logo a sombra
         dos carballos e salgueiros
tres horas ou algo máis
         e pra erville xa volvemos
xantar e actuacións
         parque natural queremos
quinta andaina protección
           pra serra do galiñeiro

                   manolo pipas


11-5-2014

galiñeiro parque natural




entre erville chenlo e prado
sobre vincios e zamáns
a serra do galiñeiro
coida das tribos do val

estas terras nós amamos
outros están a  estragar
pra serra do galiñeiro
protección queremos xa

o aloia non se cala
clama polos seus irmáns
toda a serra galiñeira
quer ser parque natural

tamén a serra da groba
nós queremos conservar
defendemos toda a terra
nesta andaina circular

imaxe con servando
logo da andaina

manolo pipas


10-5-2014

do morrazo a angola




mariñeiro do morrazo
pescas tangos polas ons
os teus cables son as redes
orquestando a túa voz

capitán de barco
pirata quinteiro
coa orquesta gharbo
onde leve o vento

vaste con manuel antonio
por lekeitios e o gran sol
e sofrires ti recolles
por angola e por massó

capitán de barco
o pirata nelson
coa orquesta gharbo
todo o seu alento

pola presentación do disco
orquesta gharbo de nelson
onte na librería andel
foto de xaime nogueira

manolo pipas


08-5-2014

V andaina polo galiñeiro




V andaina pola protección
da serra do Galiñeiro
para reivindicar a protección da serra
baixo a figura de Parque Natural
o vindeiro domingo 11 de maio
saida da ermida das Neves Erville ás 10:30 h.
subida ao cumio e baixada polo bosque atlántico
e chegada ao mesmo lugar sobre ás 14:00 h.

E logo da andaina este programa
Lectura do manifesto a cargo de Teresa Moure.
Actuación musical de Cantareiras do Alba.
Poesía a cargo de Manolo Pipas.
Actuación musical de Servando Barreiro.
Actuación musical de De Outra Margem.
Maxia a cargo de O Mago Marco.


07-5-2014

nove pedras




estas nove pedras
poden ser as fichas dun xogo
para mover para diante e para atrás
e noutro xogo poden brincar sobre elas
e na porta pode estar o premio...
estas pequenas pedras tan ben postas
daránlle algo de xogo aos cativos!?

manolo pipas


06-5-2014

outra penélope




Penélope costura junto ao molhe
Pergunta por Ulisses aos marujos
Nenhum ouviu falar
Ninguém o viu no mar
Dentro da sua cesta há um novelo
De lã e de madeixas de cabelo
Do qual tece um lençol
Que desfaz ao deitar
Prometeu acabá-lo
Quando Ulisses voltar

Ulisses está perdido entre as ilhas
Prisioneiro do canto das sereias
Não encontra o caminho
Entre águas e areias
Na treva do mar
Não se acendem candeias

Penélope é mãe irmã e noiva
Senhora do engenho da costela
De Adão até Ulisses
Nada mudou para ela
Penélope pede contas aos astros
Manda recados cifrados nos mastros
E acende luzernas do mais puro azeite
E veste-se de branco casto
Sem nenhum enfeite

Ulisses está perdido entre as ilhas...

Penélope cansada do lençol
Já feito e desfeito até cansar
Decidiu partir e conhecer o mar
Penélope quebrou a tradição
Da mulher que não parte e não viaja
A Grécia já lá vai
Roma também já foi
E agora ela navega
Sozinha e sem herói

Ulisses chegou cansado e velho
Penélope não estava à sua espera
Tornou-se uma esquecida
Em busca de Odisseias
Ulisses está perdido
Não tem quem lhe coza as meias.

carlos té

cançâo do carlos
grabada por misia


04-5-2014

penélope de díaz castro




Un paso adiante i outro atrás, Galiza,
i a tea dos teus sonos non se move.
A espranza nos teus ollos se esperguiza.
Aran os bois e chove.

Un bruar de navíos moi lonxanos
che estrolla o sono mól coma unha uva.
Pro tí envólveste en sabas de mil anos,
i en sonos volves a escoitar a chuva.

Traguerán os camiños algún día
a xente que levaron. Deus é o mesmo.
Suco vai, suco vén, Xesús María!,
e toda a cousa ha de pagar seu desmo.

Desorballando os prados coma sono,
o Tempo vai de Parga a Pastoriza.
Vaise enterrando, suco a suco, o Outono.
Un paso adiante i outro atrás, Galiza!

xosé maría díaz castro

poeta homenaxeado nas letras
texto musicado por a quenlla
no seu útimo disco

02-5-2014

mulleres repulsa e camarógrafo




de pe nas escaleiras do marco
detrás da falxa en silencio unha vez máis...

o camarógrafo está a grabar
esta última concentración das mulleres
en repulsa polo último asasinato machista
o camarógrafo fai unha toma
e móvese e fai outra e outra máis

mui pouco tempo durará
a reseña que porán na caixa boba
e antes ou despois irán as novas
dos de arriba que son os cómplices
desta violencia machista

o camarógrafo segue a grabar
e que cara porán que xestos escollerán?
e detrás súa hai algunhas caras
con expresións semellantes ás nosas
pero que non queren xuntarse con nós

o cronista

01-5-2014

1º de maio e sombras




día da festa do traballo
escoito a unha voz na radio
festa a dos do capital nas súas
mansións nos seus veleiros ...

e nós seguimos saíndo a rúa
camiñando o asfalto que nos deixan
por unhas poucas horas
ordeados educados submisos...
e logo imos aos bares a tomar algo
e falar das nosas vidas
das nosas derrotas e soños
o noso camiño as nosas sombras

manolo pipas