Xuño 2015

a solidariedade

é algo mui perigoso

e levar material sanitario

para un pobo golpeado

non se pode permitir

os fascistas israelitas

de madrugada abordaron

e apresaron o barco marianne

e detiveron a 20 activistas

entre elas ana miranda do bng

que querían entrar en gaza

na galiza houbo varias

concentracións de apoio 

ás activistas e ao pobo

palestiniano

a bandeira non é so un símbolo

é tamén un arma perigosa

de liberación ou de represión

confederación fermosa palabra

pero neste caso están confederados

a explotación o racismo a violencia …

e aqueles que perderon a guerra

e gañaron a falsa paz

moito teñen que ver

cos crimes internos de sempre

e coas invasións e xenocidios

do imperio yanqui

o cronista

la casa de las américas está en la habana

casa da cultura da resistencia das raices

dos exilios e nova casa dos fantasmas

casa das américas asi en plural

e non en singular como a outra américa

casa onde non estiven e que agora imaxino

misturando persoas que nen se coñeceron

na casa no seu salon de actos aínda por definir

pablo neruda da un recital de poemas

acompañado á guitarra por atahualpa yupanqui

e víctor jara moi atento absorve e absorve

e logo comporá unha música para un dos ultimos

poemas do vello autor do canto general

mentres silvio rodriguez que aínda é un rapaz

descobre todo un mundo de posibilidades

nas paredes pintan os muralistas orozco e siqueiros

e diego ribera que traballa sobre un borrador

da súa compañeira frida kalho

e daniel viglietti aloumiña a súa guitarra

e logo dará co mario benedetti outro recital

a dúas voces misturando poemas e cancións

oswaldo guayasamin ernesto sábato e nicolás guillén

abren logo un debate sobre a memoria destas terras

e chega julio cortázar moi contento cun inédito

do vello césar vallejo que atopóu escrito

na mesa dun café alá en parís á beira do sena

eduardo galeano sentado nas últimas fileiras

xa está recuperado do peche polo poder

da última publicación das raices e da resistencia

e vai matinando nun novo proxecto máis austero

e máis mimético pero co mesma carga de utopía

e violeta parra no fondo da sala

convirte as súas décimas e cancións

nos seus tamén telúricos bordados

mentres unha nena chamada malinche

xoga con rañolas o durito e mafalda

na imaxe eduardo galeano na casa

das américas co poeta cubano

roberto fernańdez retamar

texto de hai uns anos

xogando un pouco con algúns

artistas que non se atoparon

manolo pipas

esta fotografía é unha montaxe

e hai meses ke anda por internete

cando chegue a noite

e a súa máxica hora das fogueiras

que ninguén prenda lume

ao noso querido barco da vergoña

sobran outras cousas máis molestas

e agresivas que queimar

o cronista

estas máquinas de escribir

tiveron moita vida e historia

pero agora son coma uns animáis

en grave perigo de extinción

destas máquinas ás computadoras

e ás outras pequenas cacharradas

pero algúns aínda escribimos moito

a man en cadernos e papeis soltos

estes aparados da cultura

expostos na parede do charentón

co seu poema mecanografiado

fermosa palabra por certo

estas máquinas de escribir

ollánnos mentres tomamos algo

falamos ou lemos nos cómodos sofás

e mentres camiñamos cara a sala

para o micro aberto de poesía

que propón aos animais como tema

e as cadelas tamén nos ollaron raro

cando liverábamos os nosos poemas

e dille unha a outra

que rariños son estes animais

ergueitos de dúas patas e vestidos

manolo pipas