Septembro 2014

06-9-2014

unhas bolboretas de cor de rochi e chus



Bolboretas de cor

para tapar as palabras que se calan.

Delicada caricia, mirada penetrante

lanza chamas de fervor

repta sen tocarche

atravésate con so mirarte.

De entrega amable e servil

feiticeiro réptil

con arcanos lamentos

que selaron o desquite

desaparece agora na sombra

Fuxo aí da cor que tece

a auga do teu ceo

dos reflectir das túas pegadas

das curtidas deidades

sementadas no tempo hipotético

que nos tocou vivir.

Agora paseo como zombi

baixo o influxo da lúa chea

sen atopar a figueira

onde poder repousar.

E se a álcena garda unha besta?

E se unha momia pinta un lenzo?

E se as bolboretas non se van?

Bolboretas de cor

para tapar as palabras que se calan

 

rochi nóvoa


                                 imaxe da chus láuzara

                               que expón en redondela

                                      na casa da torre

                                       

 

 

05-9-2014

triskel de festivais

 


poesía en salvaterra

son das mámoas candeán

minho reggae por tominho

palabra livre a cantar


entre a ría e o baixo minho

un triskel de festivais

ves comigo a algún encontro

ou tes festas patronais?


raices e mestizaxe

non hai outro camiñar

sentimento en colectivo

os tambores a tocar

 

imaxe 9 de marzo

en compostela

 

 

04-9-2014

café e memorias



no parque sigo a escribir amiga

e paréceme que esta miñoca xigante

se cadra neta daqueles tranvías

quere tomar o meu pequeno café

coa taza e mesa incluídas

 

o parque da miñoca xigante

está uns metros máis arriba

da memoria daquelas vías

e uns metros a dereita

daquel perdido parque

 

manolo pipas



03-9-2014

o chopo dos tranvías da florida



as saudades do último chopo

da estación dos tranvías da florida

 

este chopo tan grandote

ai á beira da florida

raiz tronco polas follas

con saudades el respira

 

este vello chopo amigos

última memoria viva

dunhas vías i estación

e do parque dos tranvías

aqueles vagóns pasaban

uns dez metros máis arriba

de figueirido pra bouza

suroeste a travesía

 

de muiños pra coruxo

solitarios e familias

de canido pra saiáns

boas vistas sobre a ría

prado panxón ramallosa

e o eléctrico seguía

pra gondomar ou baiona

o interior ou a baía

 

os tranvías este vran

ai cen anos cumprirían

ecolóxico transporte

barato e humano amiga

tamén a este vello chopo

quixeron cortar a vida

construindo á súa beira

e salvárono as veciñas


raiz tronco polas follas

con saudades el respira

este chopo tan grandote

suspira polos tranvías


o veciño do chopo

 

 

02-9-2014

a vida da charca

 


agardei á beira desta charca

para tentar ver os peixes que nela viven

afasteime un pouco para oir ou ver

os anfivios que saen e entran na auga

e retireime uns poucos metros máis

por se algunha ave viña beber na charca

 

puiden ver algún destes animais ou non

pero os vexetais e as súas follas e flores

sempre están ai dentro desta charca

acompañándonos e dándonos equilibrio

 

lariño

 

 

01-9-2014

montaña e maceira

 

 

a nai montaña rotunda

a maceira inda pequena

debaixo da primeira

e á beira da segunha

a imaxinaria feira


en valadares