Xaneiro 2021

varios días sen publicar
e tiña empezados varios
textos da serie do virus
pero non tiña enerxía
pra seguir traballando neles  

os centos de caraduras
que se colaron para vacinarse
as varias mascarillas e luvas
que cada día recollo na rúa
as trifulcas politicas
as empresas farmaceuticas
os medios de comunicación
e a chapuza das novas medidas
cos que pecharon e cos que non
e deixan traballar e contaxiar…
deixanme sen folgos para escribir

o señor salvador illa
desde que chegóu o virus
que de antes non podo falar
sempre foi máis unha illa
illada do continente-realidade 
que un ilumidado salvador

demasiadas meteduras de pata
volantazos e deixadeces
del e do seu escudeiro simón
moitas delas difuminadas
pola peor xestión da pandemia
da sua veciña señora de ayuso

non dimitíu cando llo pedían  
e o filosofoportunista ministro
agora é un cobarde que foxe
dun dos peores momentos
desta pandemia sanitaria e social
e quere ser salvador de catalunya
pero non deixa de ser unha illa
que perde extensión pola subida
do mar polo cambio climático

primeiro foron uns alcaldes
logo un consejero e esposa
e mais funcionarios da conselleria

de sanidade pero non de solidariedade

e seguiron por todo o pais parentes

de vacinados uns secretarios

e toda clase de oportunistas
e os últimos un da sotana
e un peixe gordo do exército
que se adiantaron que se colaron
para poñer a vacina

e hai quen di de non poñerlle   
a segunda dose da vacina
pero isto seria malo para todos nós 
eu retirariaos da sanidade pública
e que pagasen todas as doses
das persoas que ían antes ca eles

unha caravana de migrantes
centroamericanos choca
coas forzas de represión
na fronteira guatemalteca
cando queren sair de honduras 

o seu soñado destino
é país de obama-trump
pero antes deben chocar
coa fronteira do país da malinche
cando na migrantes caravana
xa haberá moitas guatemaltecas

caravana de migrantes
golpeados i escluidas
vós soñades cunha vida
sen patróns e sen tratantes,
desde sula a río grande
avanza esta caravana
polas rexións destrozadas
por virus e furacáns
violencia e capital
so lles queda a esperanza    

outro río contaminado
outra selva arrasada
outro petroleiro derramando...
pero aínda que a vida
sempre volta e vence
o prezo é demasiado alto
neste planeta envolvente