Maio 2015

11-5-2015

riveira pobra 1 cronika

 


ateneo valle inclán bar plaza

preséntase muller de papel

en riveira do barbanza arousa

entre libros e librazos esta caixiña

de poemas imaxes e cancións

que o día antes abriu en noia

nun extremo e noutro da península

recita rochi ...parece que a liña recta

se convirte nunha rotonda infinita...

e logo da presentacíón das caixiñas

e das varias que fican no barbanza

dando a volta á verde rotonda

do pequeno barco arousán que se cae

a muller e grupo regresan a ourense

 

seguimos na pobra do caramiñal

nunha mesa redonda do tertulia

góstanos moito conversar sabedes

poesía pintura música camiños

pérdidas contrastes reencontros

e un pianista sen teclas e cun mencía

na man cántanos o sacúdeme este blus

sacúdennos as ondas bravas da cultura

e falamos e falamos dun persoaxe

bohemio da pobra que hai vintecinco

anos deixou de sair da súa casa

o jarsía ke onte parece que o viron na rúa


 

a noite pode ser tan longa

como unha xornada de baixura

e na mañán baixamos á praia

a pescar imaxes e poemas

nunha estampa un corazón

sacudido atopado o domingo

á mañán na praia de vilar de riveira

outra posible atenea de papel

parece que se vai internar nas augas

 

a rochi toño marta alfonso

teira carmela alexandre...

 

manolo pipas

 

11-5-2015

dores compartidas

 

 

escribir sobre a dor

a dor e o dano dime

suxíreme unha amiga

e escribinlle algo con cariño

sobre o seu gato moi mancado

que me ensinou logo de falarme

 

escribir sobre a dor

outra vez unha vez máis

a partida a ausencia

e esa dor com-partida

a despedida desde a distancia

e lembrar aqueles bos momentos...

escribo agora logo de que mario

me conte da morte de luis quintanilla...

 

cantos anos pasaron...

e cantos sen saber del?

e que importa distancia e tempo?

unhas palabras pola súa memoria

 

dous días despois de escribir

desde o taúme ollo ás rías

o barbanza e o aberto mar aberto

e lémbrome do flaco que se foi

pero escollo unhas ondas

anónimas de cabo estai

imaxe do pasado mércores

por el e polos que quedamos

 

manolo pipas

 

11-5-2015

blaqui o saltinbanqui

 


este blaqui saltinbanqui

foi da xanela brincar

mais cinco son moitos pisos

e dúas pernas foi mancar

 

logo das curas pra casa

karina coida do jato

coa axuda dos cativas

celia elisa e eduardo

 

na rúa de rosalía

poeta que sabe da dor

o negriño van coidando

catro lindos corazóns

 

imaxe doutro felino

versos do venres

 

pipas

 

 

 

09-5-2015

pedra e arbore

 

 

pedra case penedo

neste parque da bouza

á beira o chopo seco

 

lariño

 

 

07-5-2015

xuizo a marcos de eirós

 


cos corpos e coa palabra

defender a nosa terra

non debe ser un delito

para nós é unha promesa

 

xulgado por protestar

de vigo a triacastela

todos con marcos celeiro

defendendo cova e terra

liberdade de expresión

contra unha cementeira

 

manolo pipas

 

 

07-5-2015

documental rotondiano

 

 

levaba varios días

sen subir ao alto de coia

e fíxeno hai un rato e ollei

esa fermosa e triste construcción

humana de remachados ferros

que colocaron dentro da rotonda

e que chaman embarcación

e primeiro déronme ganas de chorar

logo pensei en parar a alguén

e contarlle … contarlle que?!

que hai mes que sacaron o valado

e non fomos non quixemos

entrar nese maldito lugar!

pero mellor lle dixen a ese alguén

que viñese con nós a ollar

un video documental rotondiano



 

06-5-2015

defensa da cova de eirós

 

 

a cova de eirós

contóunos parte da súa historia

a outra parte hai tempo de descobrila

pero hai algo que se cadra

ela nunca nos vai cantar

 

na cova de eirós atopamos

restos de grandes mamíferos

daquel tempo do paleolíto

as pegadas dos cazadores

 

na cova de eirós está viva

a antiga presencia dos neanderthais

e aqueles humanos parece

que eran máis sensibles e cultos

que as mineiras e os gobernos

 

todas as covas que foron habitadas

polas plantas os animais e os homínidos

gardan información que con medios

e tempo nunca será coñecida totalmente

 

na cova de eirós foi atopado

un craneo dunha especie anterior

ao oso actual case tamén extinguido

nestas terras de teixos carballos e lobos!

e da nosa cova de eirós que pensan

que din que calan nas terras de oseira?

os de oseira non son acaso

as mulleres e homes da tribo do oso?

 

na cova de eirós atoparon

pinturas paleolíticas con cervos!

que pensan na vila de cervantes?

os da tribo do cervo que din

sobre a posible desaparición da cova ?

 

e que decimos que facemos nós!?

 

 

mañán xoves día 7 as 10 da mañán

será xulgado en vigo marcos celeiro

acusado de decir a verdade sobre

cementos cosmos que está a estragar

a cova de eirós en triacastela

 

manolo pipas

 

05-5-2015

mauthausen e os insultos

 


un cinco de maio do 45

hai setenta anos foi liverado

o campo de concentración de mauthausen

onde miles de persoas e moitísimos

republicanos españoles foron torturados

e asasinados polos nazis

 

calquera persoa que chama

nazi a alguén que non o é

como fixo carmela silva do psoe

coa asemblea aberta de coia

debería escusarse con esas persoas

e sobre todo pedir perdón

aos descendentes daquelas víctimas

e aos poucos supervivintes

daquel réxime atroz

 

o cronista

 

04-5-2015

mestra antía

 


antía mestra antía

a sorpresa do vivir

a palabra en rebeldía

 

en cuba nace a cativa

e vai ser de dúas terras

aprende das dúas feridas

 

muras la habana vigo

de onde tantos van partir

ela atopa o seu destino

 

os camiños da muller

están cheos de atrancos

mais non para o seu facer

 

antía mestra antía

ela tiña que fundar

esa escola rosalía

 

antía mestra antía

a sorpresa do vivir

a palabra en rebeldía

 

manolo pipas


 

03-5-2015

franquistas nas letras



filgueira valverde honrado

co noso día das letras

erudito o galeguista

ten escuras papeletas

 

polo gaiteiro de lugo

tres poemas publicados

apoian o alzamento

que son seus xa demostrado

 

que o noso días das letras

nomeara a un franquista

non foi a primeira vez

que o noriega vai na lista

 

din que eran outros os tempos

isto foi polo franquismo

pero moito non cambióu

co fraguismo e feijoo-ismo

 

este filgueira valverde

manipulador da historia

que renegóu dos seus versos

el ás letras pois non honra

 

os poemas publicóunos

sermos galiza nª 140

na imaxe o homenaxeado

alcalde co dictador en 1967

mentres o réxime fascista

seguía asasinando

 

o cronista

 

02-5-2015

curioso mural do réxime

 


este ben curioso mural

que costóu unha millonada

na rúa martinez garrido de vigo

din que lembra ao alcalde republicano

asaninado pola sublevación fascista

e aos outros represaliados da guerra

 

son cousas da pre-campaña 

dese mesmo gobernante

que non nos deixa derrubar

o monumento franquista do castro

e que seguro saía moito mái barato

 

é unha representación universal

con persoas que se clonan

sen diferencia de sexo

dixo o seu modesto autor

o cubano nelson villalobo

 

tamén parece un grupo de persoas 

ás que se lle arrincóu pola forza

a súa memoria e identidade


o cronista


 

01-5-2015

1 de maio memoria da bouza

 

 

Conta Marisa,

unha habitante da Coia tradicional,

que cando ela era cativa corría

todos os 1 de maio ao pequeno bosque,

situado onde agora está o parque de A Bouza.

Bulía na procura da bandeira vermella

que nesas datas sempre aparecía

no alto dun daqueles piñeiros.

Ninguén sabía quen a puña

pero si as emocións que ollala alí arriba

lle provocába a ela e a máis persoas.

Dignidade, ledicia, folgos...

eran sentimentos que viñan tras ollar

un anaco de tea que simbolizaba

a resistencia da xente

naqueles anos de ditadura.

 

Diego Lores

 

imaxe dos piñeiros da bouza

hoxe sen bandeira