Agosto 2013

18-8-2013

a musica segue

turistas que disfrutan
a medio día da cidade
agora seguen a música
e logo botan un baile

lariño

17-8-2013

pernas e musica

na praza as gaitas a tocar
a fonte vai perdendo auga
e as pernas desta rapaza
queren danzar

lariño

16-8-2013

nunca estiven no voso país
non coñezo a vosa lingua
coñezo mui pouco a vosa relixión
con todas as súas tencencias
con moitas das suas divisións

na casa agora escoito a vosa música
os instrumentos de cordas e pelexos
os vosos dedos mans e voces
imaxino os vosos corpos a danzar
a comunidade e esa inmensa alegría
pero que non está no presente

logo irei a algunha praza
sentareime nunha solitaria mesa
e tomarei un té moruno pensando
en vós que vos estades a matar
ás beiras de toda a historia
do milenario baixo río nilo
co máis grande dos sen-sentidos

o cronista

15-8-2013

pequena proposta

primeira pequena proposta
para construir a paz no planeta auga-terra

que inglaterra devolva
o peñón de gibraltar a andalucía
que o estado español devolva ceuta
e melilla aos seus veciños
que marrocos devolva o sahara
aos pobos saharaüis

e os pobos saharaüis non sei
se teñen algo para devolver a alguén

o cronista

imaxe da jaima do encontro
galego saharaui do ano pasado

13-8-2013

trece martes

o trece
ese maltratato día
esa ovella negra
libre e contracorrente
trece e martes
e a lua que doe
compañeira

calquera dia pode
deixar o seu ronsel
a sua memoria
trece meu amigo

lariño

12-8-2013

cunco de auga

o pequeno cunco
é o bebedeiro do gato
pouco toma o felino
e o vello granito tamén
vai chupando o líquido
e esta calor levase
outra pouca auga
do pequeno cunco

lariño

10-8-2013

apoio ao festival da poesia

o festival de poesía do condado
na galiza nestes días de agosto
este encontro que tanto ten dado
agora está pedindo uns apoios

eles teñen a experiencia e o espacio
as gañas o tempo e a enerxía
pero faltan os necesarios cartos
para seguir con esta travesía

no sitio verkami de internete
está aberto un rincón de apoio
nós que nos fiamos pouco da rede
daremoslles na man alguns ouros

en salvaterra de miño o teu espacio
na rede http://scdcondado.org
e verkamifestivaldapoesiadocondado

envolventes

08-8-2013

calida toalla

a toalla deste tendal
quen sabe se na noite
ou hai unhas poucas horas
puido secar a unha parella
logo dunha estampa parecida
a do seu cálido debuxo

lariño

06-8-2013

circulo de pardiñas

o noso camiño
de ida e volta
de fora para dentro
de dentro para fora

as liñas entrelazadas
a flor e as suas pétalas
o vexetal e o animal
o pelexo e a madeira

verde e bermello sobre branco
o circulo da musica e da arte
pandeiro que agarda unhas mans
que sone o círculo da comunidade

05-8-2013

pardiñas da musica e da arte

unha semente que xermolou
medrou e florece cada ano
a árbore do festival de pardiñas

tardei demasiados anos en voltar
á festa e feira da musica e da arte
os concertos e a mostra de instrumentos
de musica tradicional a feira de artesanía …
e entre os dias e a noite se cadra non houbo
un momento no que parase a musica
dixome alguen que non se deitou
do sabado para o domingo

este ano non podía faltar en pardiñas
na presentacion do guiero catorce
un libro de homenaxe a xosé seivane
no que están incluidos os meus versos
e neste pequeno palco fixose o evento
e puiden recitei dous poemas
que foron publicados neste espacio

na imaxe un duo
tradicional do bierzo
ventos e percusión
que é un trío galego

a informacion do festival
na sua bitacora xermolos.org

manolo pipas

03-8-2013