Abril 2012

16-4-2012

dos elefantes e dos infantes




o elefante africano é un grandote herbiboro
que camiña pola sabana con gran paciencia
e inspira sabiduria o vello amigo elefante

o elefante é un animal de gran memoria
que os primitivos europeos cazaron e extinguiron
un pouco antes do tempo dos reis e dos imperios

ai esas ultimas manadas africanas de elefantes
e o antigo equilibrio da sabana coas non escritas leis
e que decimos dos homes e dos seus infantes?
do desequilibrio dos xenros dos principes e dos reis?

o pais que se funde e seica foi unha viaxe privada
e o suposto accidente foi encuberto mais dun dia
ai na data da republica asasinada e ultraxada
ese desgaste de cadeira e o desgaste da monarquía

seica por un resbalón
do decrepito borbón
salvouse a nobre elefante
e o seu pequeno infante

o cronista


15-4-2012

dos poemas e das rolas




foi unha viaxe e outras mais
os versos recitados e cantados
quixeron debuxar un irregular circulo
como o tronco e a copa da vella arbore
como a mazorca o comal e a asamblea

as pequenas historias
que un tenta plasmar nunha folla
nun caderno nun libro nunha pantalla
na noite do negra sombra voltaron á oralidade
e algunhas acompañadas pola guitarra
e outras cantadas chido pola tua voz
o tempo e a comunidade e flores contracorrente
a barricada e o camarografo e os soños morenos
os puños e as bocas e a aldea bolon ajaw
o rio de auga azul e berce tzeltal

estes dias as veces ando a tararear
as tuas mestizas melodias
e as cantigas son chamadas rolas
nas terras do paliacate e da milpa

moitos poemas naceron con metrica e rima
co desexo de que algun dia foran cantados
ocolagual e unha aperta servando

manolo pipas

flores contracorrente e berce tzeltal
xa foron publicados neste espacio
faltou amelia a cantar con nos
e as morenas chamacas a xogar



13-4-2012

do monte pindo ao irixo






monte pindo coma un faro
coma un telurico vixia
polo parque natural a marcha
da estragada fervenza do ézaro
á praza solaina do pindo

no campo da festa do irixo
o irixo quere ser unha festa
contra a incineracion do lixo

este sabado 14 de abril hai organizadas
duas actividades en defensa do territorio

no pindo as doce da manhan
marcha pola declaracion
de monte pindo parque natural

no irixo desde as once da manhán
ate a noite baixo unha carpa
o festival contra a incineracion do lixo
a defensa da terra o noso cantar

galizanonsevende.org

13-4-2012

por terras zapatistas e zapotecas




vou pra terra da memoria
vou pra milpa da malinche               
cantos sorrisos que nacen               
cantas bocas sobreviven

tantas loitas van no dia
tantos soños trae a noite
alvoradas e solpores
breves son pero xa volven

non esperes a esperanza
non hai tope pra utopia
mans corazons e bo tequio
o traballo colectivo dia a dia...

pra recitar

a terra e comunidade
os cabelos e a trenza
a criança e o reboso
a caracola e a asamblea

o millo e os frijoles
a montaña e a selva
os paus e o lume
o tempo e a ceiba

o traballo colectivo
a memoria e a palabra
a camisola e o sombreiro
o paliacate e o pasamontañas....

pra cantar

por terras zapatistas e zapotecas
viaxes ao sur do outro mexico
versos e recitado de manolo pipas
musicas e canto de servando barreiro

textos de viaxe ao pais das nubes
e a milpa e o paliacate
para o circulo poetico aberto
sabado 14 as 11 da noite
no cafe uf negra sombra


12-4-2012

esperando o leiteiro neira vilas




E ti adiante. Así ten que ser. Un home
non é unha ovella.Perdiches o coche de liña,
cargaches coa maleta que pouco leva
e pouco pesa, puxeches pes ó camiño,
e xa estás no Empalme.
Sabes que non podes recuar. Mañán sae o barco
de vigo e tes que entrar nel,nas horas que che dixo
o da axencia, ou quedas fóra. Non hai can que o roia.
E se quedas quen sabe cando volve cantar o cuco,
que son moitos os que marchan e os barcos poucos.
E ademáis caeche enriba o servicio do rei,
que xa non hai rei pero así lle din,
e logo quedas movilizado por tres anos,
que disque hai maquis, ou como lle chamen,
nos Pireneos,e venseche abaixo todo o telderete,
mira ti por uns bicos e unhas apertas
máis ou menos, e por unhas bágoas
e unhas recomendas e uns consellos,
que ó fin o que ha de ser será....

xosé neira vilas

primeiras liñas de esperando o leiteiro
ultimo libro do autor de gres buenos aires
e la habana con capa do luis seoane
presentado polo propio creador do balbino
en vigo na biblioteca xosé neira vilas
con victor freixanes e coa lectura
duns fragmentos por uxia blanco
imaxe dun vello pupitre na fundacion
xosé neira vilas que cecais empregou
de cativo quen esperaba polo leiteiro


11-4-2012

poetico e musical circulo




Poetico e musical circulo aberto
Coa proxección dun filme amenizado con música
ao vivo por José Peixoto e Tiago Pereira.
Alexandre Insua e Manuel Martíns recitarán
versos da poeta austriaca Else Lasker-Schüle
nun duo a dúas voces en galego-alemán.
E camiñaremos por terras zapatistas e zapotecas
con textos de manolo pipas do libro a milpa
e o paliacate recitados por el mesmo
coas músicas e o canto de servando barreiro.
Tamén estarán: Fernanda Garcias, Alice Macedo,
Cruz Martínez, rosanegra...
A noite promete ser sorprendente...
Neste teu e noso espazo galego.
O vindeiro sábado 14 as once da noite
en vigo no negra sombra café uff

penultimoacto.blogspot.com


09-4-2012

tabanca




a rosa mandoume esta imaxe
desde terras de guinea bissau
tabanca unha das suas comunidades

as chozas coa coberta vexetal
a erva ben verde e as arbores
ao lonxe cativas e meninos a xogar

canto ris canto choras tabanca
todo sae da terra e da comunidade
pero fora seica pouco vale a palabra

a erva as arbores a selva
tabanca guinea bissau africa
a riqueza golpeada pola miseria

da terra construese o fogar
unha porta que se nos abre
compartir o precario xantar

manolo pipas

mentres saian estes versos
medraba a miseria dos militares
que dous dias despois daban
un golpe de estado


08-4-2012

compañeira de fuxan




nesta noite escura e bretemosa
na que vai camiñando o noso esprito
vese un raio de sol, vese unha rosa
que abrirá no mencer novos camiños

compañeira nos días de tristura
compañeira nos días de esperanza
paso a paso de alento de tenrura
pedra a pedra no mundo a nosa casa

racharemos cadeas que nos prenden
e faremos fuxir a treboada
falaremos de amor coa nosa xente
pra viviren connosco a mañán clara

fuxan os ventos

hai corenta anos nacia
en lugo o grupo fuxan os ventos
moitos camiños concertos e cinco discos
pero unha ruptura logo fai nacer a quenlla
e esta formacion con mini e mero segue
aínda hoxe co espirito daqueles ventos
07-4-2012

vella arbore caida





no medio do bosco
a vella arbore que cecais
tirou algun temporal

caido carballo que se resiste
e con nova vida nas suas polas
vai alongando o seu final



este pequeño bosco
por uns poucos coñecido
tamen teme aos homes 
teme os seus perigos


val do barbeira



04-4-2012

o espirito dos monxes e das meigas




Escribenos Uxía
É terrible tantos lumes. Para nos,
as fragas do Eume son como da familia
porque case todos os veráns
damos unha volta por alá.
E que eu son medio aresana, por parte de pai,
e temos casa en Ares onde imos no verán
e sempre aproveitamos para facerlle unha visita
aos espíritos dos monxes...

as fragas do eume e o templo de caaveiro
o espirito das amigas e trovadores da laxe
a memoria das pandereteiras e gaiteiros de goente
o espirito dos muiñeiros e labregas do teixido
a memoria dos druidas e das mouras do pando
o espirito dos monxes e das meigas das terras do eume



02-4-2012

contra a queima do pais




Desde a rede de colectivos “Galiza Non Se Vende”
apoiamos as concentracións convocadas para o día
de hoxe luns 2 de abril, en distintas cidades do país,
en resposta ao desastre intencionado
das Fragas do Eume.
Mobilízate contra os que queiman o país
e os que o consenten coa sua nugalha!
Horarios das concentracións cidadáns
que se están a convocar para hoxe,
luns 2 de Abril, ás 20:30:

A Coruña: nos Cantóns;
Vigo: no Sereio;
Compostela: no Obradoiro;
Pontevedra: na Ferrería;
Lugo: diante do Concello;
Ourense: diante do Concello
Pontedeume ás 20:00 diante do Concello.

Este incendio é gravísimo, non é un incendio máis,
nin é un acidente casual, asemella ser
unha operación premeditada,
igual que muitos dos lumes nos últimos anos.
Os montes que están ardendo son «zonas eólicas»
e «zonas forestais», a «repoboar»
con muiños e eucaliptos.
Queimar as fragas é rebaixar
o seu gran valor natural beneficiando
aos intereres das celulosas as mineiras
os encoros as madeireiras...
Contra a queima do pais
os seus culpables e complices

galizanonsevende.org

02-4-2012

chovía nas fragas




do que nos roubaron estes dias

chovia na densa fraga daquel rio
a auga que baixaba que pedia mais auga
como un desafio descargaban as nubes
sobre todos os tonos do envolvente verde

nos camiñabamos por baixo das arbores
e éstas logo de cobixarnos da chuvia
ian xuntando nas suas follas a poalla
e sobre nos xa caian grandes pingas

a densa e humida floresta do rio eume
das grandes arbores aos pequenos fentos
todos os tonos do envolvente verde
e de segunda volta xa chovia por nos

lariño

imaxe dun paseo o 5-8-2011
e versos de tempo despois que non sei
porque non decidin publicar antes