compañeiro rabudo

1 coplas pro rabudo

cicloxénese saliva / polvos e ostras con perlas
que non che falte o humor / meu amigo noitarega

a túa pluma rabuda / non a parará o sistema
os teus relatos da vida / que os espallen as mareas

non te vin polo san brais
que ti andabas noutras lerias
nacho mirás o rabudo
compañeiro unha aperta


2 pasodoble do rabudo

cóntasnos que te radiaron  / e non é porche na radio
hai anos nela nos vimos / e antes fora por uns palcos

mireite no faro da voz / que así falamos en vigo
non tiñas mui boa cara / e o fotógrafo era amigo

ese cancro que mal bicho / porqué quererá pelexa?
que ben vos quedou o arco / con esa pluma de flecha

vémonos cando nos toque
por bembrive entre gaiteiros
acordeime da salgueira
e dos vellos compañeiros


a nacho mirás fole
que cada día nos conta
da sua loita en  rabudo.com


manolo pipas