23-9-2018

milonga para tangata

a laura quintillán

un puerto un porto un tango
que trinta anos non é nada
compañeiros de tangata
unha orquesta sobe ao barco

o tango ten ollos negros
pura emoción e calambres
os salgados arrabales
nota a nota os seus segredos

as cordas son como cabos
e as teclas queren ser velas
vai tangata coa orquesta
por trinta anos de tangos

eses raios misteriosos
os valses de buenos aires
coas milongas orientales
neste equinocio de outono

o tango con danza e canto
que trinta anos nada son
tangata é pura emoción
de porto en porto o teu tango

o grupo tangata con artigas anelo
alberto vilas enrique migliarini
gustavo a. barcia e david veiga
tocaron onte polos seus trinta
anos de música coa orquesta
clasica de vigo e uxía senlle
no vello teatro garcía barbón

imaxe grupo mundo cal