Febreiro 2017

Retrato de ti, Asuncion

“...un regueiro de bágoas
percorreume a alma nun salaio
ao ver a loita ergueita e berrando que
a t e r r a é n o s a
chorei ao ver o teu corpo feble
o teu metro corenta rodeado de voitres
e bestas armadas con tricornio
e chorei ao ver a túa dignidade firme e rexa
o teu carraxe
o teu ollar limpo coma o ar fresco do herval
no infortunado día
en que os grandes homes
de estado cruel
e ruín empresa
eles e o seu exército de falsarios armados pola forza
asaltaron a chousa para arrincarvos da terra
coma se mala herba fosen as mans que a traballan
en nome do progreso das súas faldriqueiras
dos seus bancos cheos de egoísmo
do seu capital pecado…”

Xosé Luís Liñares Barveito

sanitaria medico enfermeira
palabras ben claras

a palabra hospital
ven de hospitalidade
curioso
sanatorio ven de sanarse
pero que poucos sanadores hai

e paciente ven de paciencia
curioso
a conselleria de sanidade
probablemente esta dirixida
por persoas enfermas

escrito en povisa centro medico
privado concertado coa xunta
e coidado pola sanidade publica
moito mais que os seus propios hospitais

o cronista

ancha é castela
e da moito respeto
anchas son as mentiras
contra elas as bandeiras ao vento
e vos dentro
ancha é a inxustiza
contra ela no vento as consignas
e vos dentro

ancha é castela
co seu grande touro denigrante
e nós bandeiras e consignas
ancha e longa a nosa verdade

ancha é castela
entre dueñas e aranjuez
e despois camiñamos por león
entre o barro darredor de mansilla
pero máis mancha entrar de visita

o cronista

algunhas das aportacións da sociedade
gringa a iso que chaman humanidade

o ku klux klan
perderon a guerra
pero gañaron a explotación
a 1ª bomba a atómica
para que aprendamos
a 2ª atómica bomba
para que non esquezamos 

a comida basura desde mcdonals ás yankicolas
o tabaco basura a tele basura a literatura basura…

as veteranas estrelas do rock
debidamente domesticadas a tempo
e os mitos-lendas da música
que supostamente se suicidaron novos

os monstruos da tele e deporte
ou escravos da súa audiencia
as drogas de deseño e os seus deseñados estragos
os supermercados das armas
e os seus asaninatos individuais ou masivos

a guerra das galaxias
e todo o militarismo cinéfilo
e as mustinacionias virtuais
coas suas virtuais redes a-sociais

de new york a los ángeles
de guantánamo a rota
de miami a puerto rico
que lugar a ti te toca?

a ultima aportación do imperio 
é o misóxeno e neo-fascista donald trump

o cronista