Decembro 2017

camiño de chan-de-brito
entre a queimada floresta
imos ao encontro da landra
o froito das nosas meigas

as landras de chandebrito
as fariñas que fermentan
pans empanadas e dóces
vellos sabores da terra

ese cociñar as landras
tamén é unha sementeira
polo sobreiro e o penís
apañaron ricas ervas

as masas foron medrando
con mans grandes e pequenas
landras con trigo e con millo
xusto baixo das estrelas

aquí na cova de lobo
xuntámonos entre as pedras
cada un da súa tribo
netas  boas  da  muiñeira

plantas castañas e landras...
monte castro ti que penas!?
resistan   comunidades

que sigan as pandeiretas

as rimas en cursiva
onte foron escritas e recitadas
no encontro exaltación das landras
logo do poema as mortes do desgoberno

na memoria de angelina e maximina
nun descanso das percusións e ventos

manolo pipas
o neto do freixeiro

as palabras escritas
do alberte momán
son como as súas tripas

das maciñeiras aos pumariños
os poemas e libros do alberte
son coma árbores envolventes
e son froitos e derivas e camiños

as tripas dixerindo as túas palabras
e as mazáns son como corazóns e fígados
e perto e lonxe na saida e chegada maianca

a alberte polo seu libro tripas editado

por belagua con coberta de r grobas
onte no centro social andel con edurne

baines e alfonso láuzara

manolo pipas

funcionarios da (in)xustiza
neste día de folga maniféstanse
polos seus pisoteados dereitos
nos xulgados de todo o país
e nas cidades sacaron a súa
xusta protesta polas rúas
contra a xunta de feijóo

as funcionarias
da trampeada balanza
na inxusta cidade de vigo
atravésanse nas travesas
debaixo da verticalidade
esa que puxo e pon orde
neste franquista estado

o cronista

terra e tempo fundación
e o tempo son cen anos
desde aquela revolución

desta terra as terras rusas
polo fin das opresións
da clase traballadora
e pola autodeterminación


polo especial de terra e tempo
da upg pola revolución de outubro
e a cuestión nacional
presentado onte en cartabón

xerusalén
a cidade das tres culturas
e das tres relixións monoteistas
a cidade dos mil conflictos...

jerusalém en hebreo
רוּשָׁלַיִם yerushaláyim
a casa da paz mira ti
que tremendo paradoxo
para a cidade que leva
miles de anos en guerra
en árabeالقـُدْس  al-quds
a casa do sagrado
dos sacrificios pois
e aí seguen derramando sangue
os judios e os musulmáns
e antes tamén foron os cristiáns
e as feridas das cruzadas
aínda seguen ben abertas...

pero xerusalén está asentada
sobre a chamada cidade de jebús
fundada polos jebuseos no terceiro

milenio antes do chamado ano 0
e moito tempo despois
chegaron os hebreos...

que se marchen da cidade
hebreos musulmáns e cristiáns
e que trump nen se acerque
e que volten se poden os jebuseos
ou que deixen que na cidade
asenten as súas miserias

na foto muros
da antiga jebús