Agosto 2018

o mediterráneo río evros
corrente forte augas profundas
cen kilometros de río que une
os estados de grecia e turquia
onde lle din río meriç e que nace
nos balcáns búlgaros como maritsa...

o evros ou meriç entre grecia
e turquia fronteira natural din
falsos historiadores e gobernantes
que separan as persoas e os pobos
que non hai fronteiras naturais
as fronteiras non anti-naturais pois
e a vida deses ríos e montañas
tamén sofre as fronteiras

o rio evros ou meriç de corrente forte
e augas profundas nos últimos anos
é un paso de miles de desprazad@s
e uns pasan e outros morren
e moit@s van pro fondo das augas
e os ríos non devolven os corpos
como fai o salgado mar

pro fondo vai a nosa ética 

un atlantico europeo
de segunda

feira do libro vello e de ocasión
ocasión para atopar queridos
autores e as descoñecidas plumas
pasar as páxinas oler os libros
debaixo dos vellos castiñeiros
as aves músicas os carros ruidos

e decidin facer unha foto
sen o canto dos libros cos nomes
das autoras e das súas obras
por se non gostaba dalgunhas voces
e marcho co libro que me acompaña

nunha mesa e no paseo no solpor na noite

o lector