nós e o mar de irlanda

o terrícola non sabe

que as augas do mar de irlanda

pola costa e o mar de fóra

teñen nomes con gheada

paralelo arriba abaixo

temporais e orballadas

o tranvía os caños bousas

deixa o porto deixa as rías

e pasando das sisargas

a camocha e as ghaliñas

se non falta o pementón

vai mellor a travesía

amiga de porto en porto

pola nosa irmán fisterra

dese atlántico do norte

nos peiraos e nas tabernas

vas escoitar o seseo

e se cadra muiñeiras

mar de irlanda dános contos

da ribeira e do gran sol

desde coia a terranova

un mariñeiro pintor

no outro lado do espello

que non pare a salasón

primeira aproximación a contos

do mar de irlanda de xurxo souto

presentado cos cadros de pepe ksal

o neno da curva de san gregorio

onte no cambio de luz na libraría

cartabón a uns quince minutos

andando da maltratada ría

manolo pipas