17-2-2013

as nubes o cosmos a viaxe




perto da terra pasou
o asteroide 2012 D414
que nome mais longo
e que pouco poetico

agora paso entre as nubes
e leo na prensa que entre os urales
e siberia estoupou un meteorito
pero non leo que lle puxeran nome

o nome do meu primeiro voo
UX 7311 U tampouco é fermoso
como o asteroide letras e numeros
que  a min non me din nada

vigo madrid cidade de mexico
da ria á meseta e ao altiplano
entre as nubes sobre o oceano

o asteroide o meteorito as nubes
a terra o cosmos e os homes
o avion voa
boa viaxe

vou pra terra dos meus cuates
xa regresa este colocho
ao corrido e o son jarocho
a esa milpa e paliacate,
ao pe dun grandote amate
quero chegar algun día
xa me dirá a travesía
as nubes a chaira a serra,
que ordene pois esta terra
entre penas e alegrías

manolo pipas