Outubro 2011

31-10-2011

a lua cunha ducia de ollos




mirar a lúa cunha ducia de ollos
dime estrella que fago como pessoa
ela que tamén é astro saberá que di
que ben coñece os solpores de lisboa

fálame do durmir do soño e do espertar
e dunha versión rianxeira de kafka
unha nécora durmida nunha batea ao sol
e claro que eu non esquezo a súa palabra

dime estrella o café é unha bebida austera
austero é o fado entre o tejo e o mondego
e cal será a música do río vltaga de praga
que acompañaba a kafka nos seus textos?

dime faiusca que voltou á desgobernada lisboa
e que tomou ginjinha co jazz luso de alfama
coa lúa á que agora devolveron unha hora
ai esa lúa cunha media ducia de olladas!

manolo pipas

na imaxe un anaco dun debuxo

da súa sobriña chiquita áfrica


30-10-2011

pegadas en espinho




as pegadas onte
espinho solpor e noite

pasando o minho
o douro pasando
chegamos a espinho

á beira do aberto ferido mar
abertas palabras no solpor
da galiza e portugal

q de vian cadernos en espinho
o setimo andar a porta verde
pegadas que andan cara o sul
deste tempo ben conscientes

imaxes e textos das munditaçôes
moitas espiñas temos cravadas
ai espinho nas nosas terras atlanticas
ai irmâos polas tribos separadas

o cronista

texto recitado onte coas pegadas
en espinho no doo bop praia da baía
dinamizado pola associaçao extrapolar
munditaçôes é un libro colectivo
fotos de carlos silva e textos de voces
das diversas linguas peninsulares


29-10-2011

a pancarta e o vento




un anaco de pancarta
cun pequeno buraco
polo istmo de oaxaca
nas chairas do vento

a nos non se nos ve
pero estamos agarrando
coas nosas consignas
ese buraco ese vento

e traemos tanta vida
como morte traen
os corpos que se ven
por este buraco do vento

manolo pipas

a maribel e bettina ameazadas
e a arquimedes golpeado
por apoiar unha comunidade
que non quere os muiños
de vento das transnacionais

koaosenlaret.net/oaxaca
imaxe dunha protesta 1-2009


28-10-2011

serodio outono




   pola memoria
   das vellas das chozas

este serodio outono
agora se fai formal
baixan as temperaturas
as nubes a descargar
tempo de humidade
e varios temporais

as castañas a cair
os magostos a chegar
co samain outro ciclo
que xa vai empezar
na aldea das chozas
os cabazos a agardar

as vivas e as mortas
e as noites a medrar
este serodio outono
que se fixo de rogar

no val do barbeira
unha desta tardes
saiu o arco da vella
por elas


26-10-2011

da cova dos ratos




a cova dos ratos
escura e luminosa
caleidoscópico espacio

centro social vegano
horizontal e profundo
familiar autoxestionado

consumo ben consciente
comunidade e activismo
por esta cova envolvente

mañan xoves o lokal
anuncia notas melodias
un encontro musical

25-10-2011

meses de terror




e foron sete meses
sete meses tardou a otan
usa españa e os seus aliados
en axudar aos chamados reveldes
e atopar e matar a gadafi e os seus

sete meses de terror
canto mais tempo botaran
mais destrozaban este pais
mais dividian a libias e libios
mais armas probaban e gastaban

sete meses de terror
normalizado e vendecido
como en irak e afganistán
polas demo-cracias occidentais
polo gran xefe o nobel da paz obama


24-10-2011

a terra movese




a terra respira
o planeta respira e movese
un pouco acá un moito alá
no mar nas illas no continente
terremotos sunamis volcáns

a terra respira
como sempre fixo
na sua travesia
pero agora anda
a nosa nai terra
algo agripallada

a erupcion na illa de hierro
foi mui perto da reserva mariña
chamada mar de las calmas
a calma que xa non teñen os fondos

e onte domingo sofrimos
un terremoto no kurdistán turco
outro golpe a comunidades pobres

a terra o planeta movese
e as veces con dureza
pero da máis vida que morte

e onte na terriña
por fin choveu a eito
pero esa é outra historia


24-10-2011

violentos espectaculos




un piloto de motos onte
morreu nun accidente do seu traballo
finou como un traballador mais
pero era un home que moito arriscaba
que probocaba caidas dos outros pilotos
e o seu accidente foi retrasmitido en directo
porque el forma parte do espectaculo

o ruido das motos de carreiras
e dos macarritas que andan nas cidades
ruido semellante as armas de guerra
como éstas sobre a praia de samil
tamen violenta os nosos ouvidos

e morreu un represor baixo as armas
pero el non era un traballador
ainda que a violencia ferir e matar
tamen é un traballo moi ben remunerado

a detencion o linchamento
e a exposicion do cadavre de gadafi
tamen é un macabro espectaculo
que a cada rato poñen nos medios

hai anos nas televisions cambiaron
a moitos locutores de deportes
para a cabeceira dos telediarios
e seguen tratando as guerras
como se fose un espectaculo
23-10-2011

o gaiás e as traxedias ll




o gaiás e a traxedia galega    

ai triste monte gaiás
ai chamada cidade da cultura
acá nós non precisamos
das clasicas traxedias gregas
que xa temos as nosas ben reais
desde os incendios ao chapapote
pasando por fraga e feijóo

o monte gaiás e os incendios
esa chamada cidade da cultura
que se leva os cartos que non hai
para a cultura de base e a educacion
e para previr e apagar os lumes

o gaiás e os incendios
ai gaia gaia

o cronista non oficial


23-10-2011

o gaiás e as traxedias l





da traxedia grega ao gaiás 

no monte gaiás
a chamada cidade da cultura
de ser rematada algun triste dia
vista desde as nubes
cos seus faraonicos edificios
este chamado principal legado de fraga
pode ter forma de vieira
cecais para que os peregrinos
que veñan en avion non se perdan pois
pero din que non hai cartos
para rematar este pseudo mausoleo

un dos edificios que se rexeitan
é o gran teatro da opera
pero acá non precisamos
das clasicas traxedias gregas

o cronista


21-10-2011

... nen paz que nos oprima




outra imaxe dun berro
das comunidades zapatistas
e tantas razons para berrar

nen guerra que nos mate
nen paz que nos oprima

e tamen decimos non
á violencia da burguesia e da banca
á opresion da igrexa e da monarquia
e sempre diremos non
á violencia da policia e dos politicos
á violencia dos medios e da xustiza
ao terrorismo e ao terrorismo de estado
á violencia do sistema

a vella e cada vez mais vixente
consigna das mulleres de negro
nen guerra que nos mate
nen paz que nos oprima
20-10-2011

canto euskadi libia




fado escuro

escuro canto de luto
a morte cobre estes versos
a musica do profundo
agarrame polo peito
co seu fado tan escuro

este canto das montañas
do deserto e das cidades
entre o lume e a palabra
camiña a humanidade
e con mais presa que calma

vou pola beira da ria
a noite de compañeira
as ondas unha elexia
este canto contra a guerra
fado escuro pola vida

canto de euskadi a libia
con tantas desangradas terras
fado escuro pola vida

manolo pipas

a estas estrofas
de hai unhas semanas
hoxe sumei os ultimos versos