Novembro 2013

meu vello man-fred meu vello man
escriboche desde a calma da ría
hai tempo que non che conto nada
non chove pero xa chegou o frío
o frío de novembro e o frío dos malos

contoche que nos xuntamos
hoxe nunha praza nun paseo
outra vez polo que ti ben sabes

hai tempo que non vou ao teu camelle
estiven de visita por karnota e fisterra
pero os ventos non eran propicios
para seguir un pouco mais ao norte
e voltei á ria pensando nos teus círculos

cóntoche que nos xuntamos
hoxe nunha praza nun paseo
outra vez polo de sempre
pero con máis raiba aínda

hai tempo tamén nos xuntamos
chamados polo monte pindo
e seguirémonos xuntando vello man
quen sabe porque chamada

pasoche unha imaxe da xuntanza
un cativo que se fai preguntas
agarrado ao azul e ao negro

unha salgada aperta vello man

lariño

trece de novembro
once anos do prestige
e a xustiza escolleu este dia
para facer pública a sentencia
os gobernantes que daquela
algo fixeron e non fixeron
co barco e co chapapote
todos eles son absoltos

o periodista


mui ben mui ben
pois que culpen aos voluntarios
e que nos manden outro barco

un anónimo


o fedor do chapapote
rodeame hoxe outra vez
despois de once anos

coas nosas mans sacamos
o chapapote que non é noso
e agora coas nosas mans
faríamos outra cousa ben distinta
polo que é noso

o voluntario

cóntame queliña
cóntame un conto
un conto por favor
da maleta da avoa
títeres de mazarocas
e a historia do papón

a maleta da avoa
está chea de contos
de contos que son verdade
ai que cousiñas tan ricas
suspiran nenas e nenos
ai que fermosas viaxes

na mañanciña de contos
de raquel queizás
onte na librería andel
imaxe xaime nogueira
www.andelvirtual.com
www.raquelqueizas.com

o cronista