Xuño 2014

o ronsel do barco
colectivo de pasaxe
que se non pare
rumor e canto

lariño

tempo morto
o reloxio paramos
tempo de reflexión

reiniciase o xogo
logo se acaba o tempo
nun inaceptable empate
porque é algo máis
que un xogo

vai un tempo engadido
para decidir o derrotado
e o vencedor
e porque non compartimos
o premio!?

na imaxe as favelas
do brasil cos seus xogos
ao fondo o neo-circo romano

o cronista

foi debaixo da floresta
o faladoiro da bouza
pola memoria da aldea
que era coia

foi polos anos sesenta
a cidade non perdoa
coas máquinas avanza
entra en coia

moitas casiñas e campos
en nome do gran progreso
desaparecen cobrando
catro pesos

o progreso anos despois
nesta bouza puxo o ollo
pero a loita dos veciños
para ao roubo

entre avenidas e pisos
ficaron casas e campos
nestes anos conformouse
outro barrio

foi debaixo da floresta
solsticio de vran na bouza
memoria no faladoiro
desta coia


das conversas compartidas con marisa
andrade angel costas e diego lores
a chuvia e unhas velliñas do lugar
http://alicerces.prazapublica.com/
https://flickr.com/photos/arealidade/
sets/72157645304766795/


manolo pipas

as bandeiras do mundial
decoran bares e cafeterías
e moitos balcóns e balconadas
unha veces co escudo e outras sen el
e algunhas con ese touro do coñac
pero aínda non atopei unha
futboleira bandeira republicana

e as bandeiras do mundial
súmanse á festa monárquica
da coroación do novo rei
e esta bandeira da imaxe
dun futboleiro lokal
con este peculiar escudo
se cadra unha homenaxe da empresa
a súa querida cliente monarquía?

o cronista

nas obras do mundial
que tanto roubaron o país
morreron nove operarios!
gostáballes o fútbol?
en que condicións traballaron?
e cantas horas facían ao día?

na ceremonia de inauguración
da copa de fútbol do brasil
adicáronlles algunhas palabras?
os xogadores das equipas
puxeron o brazalete de luto?
as obras do mundial de fútbol
que ían realizarse con cartos privados
fixeronse cos públicos da sanidade
da educación do transporte da cultura..
e polas malas condicións de traballo
dise que morreron nove operarios!
os seus compatriotas xogadores
adicáronlles algún dos seus gol(p)es?

estes días o brasil está militarizado
e onte eran moitos violentos do estado
por cada un dos manifestantes
e nos feridos tamén houbo periodistas!

o cronista