Xaneiro 2015

08-1-2015

26 nós non somos violentos

 


na rotonda de coia

detiveron onte a xurxo

coma podería ser calquera de nós

non abonda coas mentiras de caballero

e regades con chamarnos viotentos

que había que criminalizar a protesta-proposta

cunha detención dun compañeiro

que violentado pola policía tocoulle o casco

 

parece ser que un deles ten un esguince

se cadra non calculou ben a forza

da represión e el só mancouse

 

mentres temos parada a obra da vergoña

hoxe no xulgado sen nós querer

tivemos que abrir outra barrikada

e desde ela logo camiñamos

á nosa secuestrada rotonda

 

o cronistadecoia

 

 

 

08-1-2015

do humor e do terror

 

 

o noso castelao o escritor

o político dos de verdade

o pintor da guerra

o humorista da vida ...

citaba ao escritor mark twain

debaixo do humorismo

hai sempre unha grande dor

por iso no ceo non hai humoristas

 

os humoristas poden acertar ou non

todos os asasinos aínda que maten

sempre erran

 

e o goberno francés

a quen lle vende as súas armas!?

e onde tiróu as súas últimas bombas!?

canto sangue derrama a diario

en varios paises musulmáns!?

 

e buda cristo e mahoma tiñan humor !?

 

onte no nome dun deus

e de moitos conflictos

asasinaron aos humoristas

da revista charlie hebdo

 

tamén neste espacio livre

as veces empregamos o humor


envolventesaspalabras

 

07-1-2015

25 rotondiana cidade fermosa

 


as vergoñas do señor alcalde

seguiron vixiadas pola local policía

estes dias de parón da construcción

cun carro dos de azulón a pe de non-obra

 

as sete e media da mañán

vintetantos rotondianos e rotondianas

polo lado contrario aos de azulón

entramos a facer a asemblea

 

uns poucos metros de valado

e uns poucos máis de mallazo

foron retirados para facernos ver

e para que os cidadáns vexan a desfeita

de quen tan mal nos goberna

 

no frío mencer un pequeno lume

pero os que se quentaron foron os pasmas

que pouco despois hai 24 identificados

e a seguir chega un feixe deles

e sácannos a empurróns para fora


á beira da non-obra

hai un rotondiano detido

e ningún policía ferido

como din as súas mentiras

e permanecemos media hora

con policía por diante e por detrás

como outra postal da cidade fermosa

da que fala o rotondista alcalde


o cronistadecoia

 

05-1-2015

escaleiras so pra subir

 

 

na rúa da segunda república

inaugurados dous tramos

das millonarias mecánicas escaleiras

que só nos serven para subir

que deixan fora a xente en silla de rodas

e os carriños das crianças

e o segundo tramo deixa de funcionar

ao día seguinte

 

republicanos ou non republicanos

moitos non queríamos as escaleiras

e as persoas normais tamén baixamos

pero moitos políticos e corruptos

so pensan en subir

 

algúns falsos gobernantes non queren baixar

pero xa lles tocará

 

a cidade e soñada terceira república

construense doutro xeito

 

o cronista

 

04-1-2015

24 a rotonda e o bocinazo

 


datos do feito denunciado

empregar sinais acústicas sen motivo

reglamentariamente admitido

no lugar castelao rotonda alcampo avda

dispositivo de seguridade no interior

de rotonda dentro da zona acotada

é causante dunha multa

 

para entendernos

darredor da rodonda de coia por dar

un bocinazo de apoio a protesta

xa caiu unha boa multa

 

o cronistadecoia

 

 

03-1-2015

sen chuvia

 


xaneiro xa quen o diría inverno

o río vai mui calmo con pouca auga

e son demasiadas semanas sen chuvia

son outras as nubes e as borrascas

 

lariño

 

 

02-1-2015

amiga de puro nervio

 

 

    a maruse e paco

 

amiga de puro nervio

do kiosco e da petanka

entre copias nós falando

arranxamos catro casas

 

amiga de puro nervio

mira que che foi tocar

un mal pouco coñecido

que che quería parar

 

como a vida nós rodamos

e un tempo en silla de rodas

dache vida miña amiga

pero a ratos ti vas soa

 

as primeiras coplas fixen

logo dun café co paco

serio e duro compañeiro

ten un corazón mui brando

 

amiga de puro nervio

o mal neuromuscular

xa o vades coñecendo

non che vai poder parar

 

moito tempo nos faltache

perdéu gracia o mostrador

ves ás veces de visita

que non che falte ese humor

 

recitado hai dias no kiosko

a maruse paco e isabel

e entregado manuscrito

 

manolo pipas