Xullo 2021

falan da quinta vaga do virus
neste inxusto rincon de europa
din que van 25 millons de vacinados
foi o segundo funeral de estado
no medio da semana case clandestino
e contaxianse miles de mozos
e os hospitais estan saturados
e un xa non sabe quen
e mais inconsciente e hipocrita
sanchez o rei ayuso ou os do botellon
e algunhas das comidas familiares

xa teño o certificado de vacinado
este papeliño ou unha pcr  
para entrar en cafes e bares
e que cariña poñen algunhas
cando cho piden

barroso so quere vida
as terras o río as xentes
barroso non quere a mina

a ceo aberto a ferida inmensa
e a terra non se pode pechar
á contaminación á desfeita

desde barroso até porto
a mina é unha ameaza
o litio so é un negocio

limpa enerxía limpa
non se pode dar co litio
barroso so quere vida

convidóunos ao seu mundo
a familia da palleira
ás da xira pola vida
e ás da festa da terra
e asemblean os dous grupos
baixo da rica floresta

xogan nenas e cativos

outras serias nunha mesa

o cinema palleiriso
parado polo sistema
segue coa súa outra vida
con obriñas das insectas

de arañas e morcegos

palleiriso porta aberta 

o carballo na sua bota
e os freixos da bañeira 
queren dar unha voltiña
baixo acibos e sobreiras ... 

porque el pasaba por alí 
e algo del lles molestóu  
porque era homosexual
porque hai homofobia
e esas persoas son violentas

porque a sociedade o permite
e por algunhas máis sinrazons
perseguiron e golpearon
e golpearon e mataron a samuel

Levar as cores no bolso
e a carpeta chea de papeis
fixo que naceran espontáneas
as acuarelas no transcurso
das viaxes e foran unha parte
importante da miña obra.
Pintei nas cidades ensoñadas
O Cairo, Marrakech, Dakar, Estambul
Damasco, Benarés, Calcuta, Katmandú
México , La Habana, Bahia.
Pintei nos rios enormes
nas inmensidades do deserto
nas selvas tropicais
nas praias con esqueletos de naufraxios
nos paises inexistentes.
 

Todo o escribo a propósito para aquel-a
que poida entendelo
Non vou ser menos tolo que o mundo
A felicidade absoluta asústame
A aproximación obsesióname


xosé guillermo