Maio 2017

contábanos sesé nos seus versos
das feridas das balas e da nada
e das rosas da chuvia e das froitas
nas súas palabras sesé ben contaba
tamén nos poemas ela era loita
ela era moita vida desgarrada 

sesé coas mans buscando na terra
o noso pasado as nosas raices
e sesé contra todas todas guerras
e con ela nós en momentos felices

en colectivo a súa perda afrontamos
co grupo mantemos a súa memoria
por sesé a familia e nós un concerto
e sei e sabemos que é pouca cousa

por sesé serán rasgadas as guitarras
con ela retumbarán os tambores
con sesé as nosas voces desgarradas

manolo pipas

debaixo dos piñeiros de samil
a salgada flor estrela
de cinco puntas

unha pequena bandada
de pombas comendo no chan
diante do panel faime pensar

as pombas que os nosos
ancestros domesticaron
para dar comida ou compaña 
ou como aves mensaxeiras
tamén sofren moito os nosos conflictos

a pomba símbolo da paz
que non pode levar esa mensaxe
que nós soñamos e quixeramos compartir

manolo pipas

festival das ilusións
títeres de redondela
co ratiño cafeteira
a internacional paixón

nesta carpa da alameda
nós pudemos disfrutar
dos títeres desde atrás
cachiporra pulcinella

o teatrillo amarrado
a un álamo choqueiro
encantados moitos nenos
grande salvatore gatto

castelao nunha escultura
nesta carpa da alameda
quixera baixar coas nenas
máxica a nosa cultura

festival titiriteiro
dezaoito son os anos
agardamos outro maio
quen será o novo boneco?

pipas

              Construir un barco
É tallar na árbore a historia dun pobo

   Serrar a cortiza en ángulos rectos
             e co cepillo escribir
          a concavidade da fasquía
          Transformar as columnas
                 en hipérboles
         nunha simetría secuencial
            Dende a quilla á roda
               un alefrís espalla
          os aneis de crecemento
    O berbequí penetra na madeira
  e escava o asentamento da cavilla
             E a liña do infinito
         volta de regreso á orixe

          Xosé Iglesias Lamela

               poema do seu libro
                a relixión do mar
    e o barquiño feito por el mesmo
  que o acompaña das presentacións