Agosto 2019

pequenas lembranzas e reflexións
pensando nos bosques guanches
e nas selvas da amazonía

o indíxena o home da terra
pédelle a árbore permiso
para cortarlle unhas polas
para poder cociñar ou quentarse
e pédelle ao bosque e a selva
unha árbore para facerse unha casa
o home e a muller da terra…

teño convivido cos homes
da montaña do bosque da selva …
teño traballado con eles e elas
e xogado coas súas cativas e chamacos
que tanto gostan subir ás árbores
e teño dormindo nas suas precarias casas
mesmo no leito que che ceden
para deitarse eles no chan

na noite da selva ao indíxena
non se lle ocorre facer unha fogueira
para ter luz e sentarse darredor dela

para platicar e contar historias
abóndalle coa luz das estrelas e da lúa

a amazonía din que é
un dos pulmóns do planeta
e as terras do amazonas
moi mal respiran

lembro o silencio e o fedor
camiñando un bosque despois do lume !
como será o fedor da selva queimada ?

o silencio será inmenso como a selva !

a terra para quen a traballa
é unha consigna que xa non serve !
a terra para quen a respeta
pero a terra non é nosa!!!

un humano

planeta terra
18 de agosto do 19
emerxencia climática
e migrante tráxica emerxencia
emerxencia humana e terráquea

liquen a liquen e árbore a árbore
van limpando a nosa atmósfera
pero a cúpula do bosque autóctono
pouco protexe da emerxencia climática

na imaxe uns carballos
que tomaron o espacio das viñas

paisanas e compañeiros terrícolas
nós que estamos nun momento histórico
xa bastante dramático e camiño do tráxico
rodeados de rápidas ameazas atómicas
e do lento pero seguro cambio climático 
do ártico ao himalaya o ecuador e a antártida
que facemos ademáis de encher o estómago?

e de cortar ou deixar queimar máis árbores
e de consumir e consumir máis plástico ?

e de contaminar a terra a auga e a atmósfera ?

hoxe no día de nagasaki
tres dias logo de hiroshima

no medio do bosque
vai menos calor
e respiramos
aire verde

campo grande