Decembro 2013

as nubes e as pedras de yagul
a lúa e a milpa de suchilapan
as nubes e a ceiba de toniná
as estrelas e o silencio de huautla

as nubes e as cunchas de nuyoo
o sol e o río verde de tataltepec
as nubes e as ondas de zipolite
a lúa e as lendas de ecatepec

as nubes e o altiplano de atenco
o solpor e os amates de chimalapas
as nubes e os cerros de oventic
a lúa e as bugambilias de iztapalapa

as estrelas e o vento de juchitán
o mencer e o cafetal de cotzocón
a lúa e as tumbas de tlatelolco
o paliacate e as nubes de bolón

nova version dun poema da milpa
recitado hai unhas horas en andel
imaxe das nubes de oaxaca

manolo pipas

e chegou teca barreiro
doutro país das nubes
e falou dalguén que ten
unha mirada de tamarindo
e dixo que o negra sombra
ten forma de cova e útero
e a este lokal tan escuro
trouxo todas as cores das illas
e falou de ausencias e regresos
con versos entre brasil e canarias

a teca tan ben acompañada
pola guitarra de paco barreiro
e a festa dos sentidos sumouse
a armónica de xico de cariño
destellos en el vacío lampejos
no vazío o bilingüe libro
que nos presentou a teca

manolo pipas

nova viaxe ao país das nubes

este debuxo do país das nubes
acompaña o capítulo o camiño
e os espacios da milpa e o paliacate
este tríptico de eva castro acompaña
poemas cronikas diálogos e letras
de tres viaxes ás terras de mesoamérica
e está feito a partires de tres fotografias
que ela escolleu entre unhas poucas máis
este é un trisquel dunha comunidade
das zapotecas das nubes da serra norte
a casa a cociña a rapaza amasando
a tortilla de millo a pota do café...
e nós amasando este recital

viaxes versos e recitado manolo pipas
canto guitarra e acordeón servando barreiro
na libraria andel martes 17 as oito e media
na rua das camelias de beatriz 102
recital con textos dos libros viaxe
ao país das nubes e a milpa e o paliacate
ilustrados por pedro currás e eva castro
e outros poemas de vivencias publicadas
en envolventesaspalabras.info

  a alfonso láuzara

noite-día do faro de teis
libro verde salgado e dóce
da costa ás ondas á travesía
das rías baixas ás rías altas

vai o teu latexo pola serea
sol cometa eclipse firmamento
firme a túa húmida palabra

faltame o poema lúa no teu libro
pero esa túa noite-día é todo lúa
o namoro do te-roxo e a erva-luisa


noite-día foi presentado
hai unhas horas na librería andel
con farrapos de boneca de rochi
lúcidas e escuras descargas poeticas
para as que desta volta non hai cronika
a alfonso debíalle un poema
que non saiu na noite-día da cova
á boneca xa llo fixen hai uns días
imaxe ao sur de teis hai uns solpores


manolo pipas