Decembro 2013

as bonecas da autora de sobradelo
nacen de farrapos e de retais
en longas noites de reveldes lúas

as bonecas de rochi nóvoa
non son tan escuras coma moitos
dos seus poemas e fotografías
pero teñen unha cara moi seria

as músicas e as voces
dos seus catro compas
tamén son máis luminosas
e no frío ourense tan frío
no ateneo habia moita cor

a poeta os farrapos as bonecas
as cores as luces e a revelde lúa

manolo pipas

gostanme os libros que teñen
as suas follas cosidas con fío
a vella maquina de coser
ten un fermoso son familiar
o noso redondo mundo
construímo cun longo fío
cunha corda con puntadas
calcetando e  moldeando
con notas e con pinceladas
con poemas e con cantos

o mundo o noso mundo
tamén é unha grande feira
de intercambio de cousas
e traballos por diñeiro
e os menos intercambian
cousas por cousas
traballos por traballos
traballos por cousas …
e outras fan intercambio
co chamado banco do tempo

góstanme os libros que teñen
as súas follas cosidas co fío
e o son das maquinas de coser

imaxe de urdime
propostas culturais
onte na feira culturgal 

lariño