Septembro 2014

as mulleres festexastes nas rúas

no día internacional dos dereitos

sexuais e reproductivos as mulleres

festexastes nas rúas e nas prazas

a derrota da reforma machista

camiñando e danzando

donas dos vosos corpos

o cronista

o caldeirón é un mamífero mariño

irmán maior de golfiñas e arroases

caldeirón é un pequeno barco

editorial de poemas de terra e mar

e ao peirao do andel chegou

a transfusión oceánica do xosé

da man do paco souto poeta

taberneiro editor e percebeiro

e do xurxo souto un terrícola

que ten querencia polo mar

diatónico oceánico ese aire

da súa voz e salgado acordeón

ana miranda trouxo unha patela peixeira

chea de libros de poetas das rías o do mar

e xosé iglesias pediu máis voces amigas

alfonso láuzara amante noitedía de sal

miguel alonso forxando soños de cativas

e maría xosé coa vida  do val do eo

logo de coordinar na presentación

imaxes e videos de nove metros

dános mariñeiro xosé outra transfusión de mar

e falou e recitou os poemas do seu barco-libro

nove metros de aventura nas bravas augas

para gañar o changüi mentres maduras poemas

ribadulla corcón improvisóu longo

versos livres da familia mariñeira

entre as rías e o mar aberto

e sonaron unha e outra vez

as oceánicas buguinas medre o mar

dános mariñeiro xosé outra grande

transfusión oceánica astronómica

que eu poño unha pequena décima

por tres horas mariñeiras

xosé faise timonel

do barco máxico andel

que xa zarpa da ribeira,

as ondas son ventureiras

e suma á tripulación

golfiñas e caldeiróns

do interior e máis das rías,

medra rica a poesía

dos salgados corazóns

manolo pipas

imaxe xaime nogueira

o grandote chopo de coia das catro pólas

hai un chopo en castelao

unha árbore grandota

como álamos e carballos

regala miles de follas

en coia temos un chopo

árbore de catro pólas

as catro saen do chan

ai que rabudas e tolas

este chopo é moi amigo

das ortensias e as begonias

das velliñas e os cativos

das bicis e das pelotas

esta árbore dalle a vida

a merlos pegas e pombas

baixo del e baixo as ervas

as toupeiras e as miñocas

a media altura do chopo

uns parrulos voan pra bouza

un chiguagua e un caniche

tolos trás dunha gaivota

este chopo nós coidemos

con todo o verde de coia

esta árbore algo velliña

que siga mudando as follas

texto de hai quince dias

imaxe de hoxe mesmo

un veciño de coia

e foron varios días festexando

que ésta foi a nosa outra casa

ai meu bar hipólito vello bar

cóntame un pouco da túa historia

atravesache cincoenteoito anos

sen moverte nada das travesas

viñeron e tocaron os de sempre

entre versos os dos últimos anos

e algúns que antes non entraran

tamén cantaron no bar hipólito

ai meu bar hipolito que me contas

conto catro ventanais duas entradas

unha porta parece que nunca se abre

e a outra porta non se quere pechar

varios días de encontros

nésta que foi a nosa outra casa

familia bar hipólito chus iago poli

que con swing siga ben o camiño

imaxe de lydia

o pasado xoves

versos do pipas

van moitas noites e tardes

porque somos nós aquí, nestas mesas.

escoitando ese piano somos nós atendendo a un café

nós pola música que vimos

ás veces chegando tarde,

outras falando ou xogando ás cartas

somos nós no hipólito, xa moitos anos,

subíndonos ás nubes,

distraendo unha revista nós, nas mesas, camaradas,

nós falando calquera tarde.

Cando a porta peche seremos outros ti e máis eu,

máis ela, mailo outro

persoas noutras circunstancias.

Non máis seremos nós,

seremos outros polas rúas, nas travesas,

noutros bares, na mestura.

abilio rodríguez