Maio 2016

      a silvia marselo joana

      e toda a banda

neste outeiro da penela

feira holística encontro

as culturas son un todo

se van co ritmo da terra

neste outeiro entre muralhas

oliveiras e nogueiras

equilibran as pegadas

daqueles tempos das guerras

naturais son as terapias

as palestras as cançôes

zeca afonso chico buarque

son boas meditaçôes

e debaixo das estrelas

as mestizas percusôes

....

escrito e recitado na noite do venres

cos músicos e voces que se xuntaron

debaixo da oliveira pra improvisar

baixo unha chuvia miudinha que vinha

e marchaba outra vez cos nosos cantos

no outeiro da penela na feira holística

o primeiro poema reciteino no sábado

con improvisacións e lonxanos textos

facendo un dúo con ricardo samurai 6

no digderidoo e nas percusôes

manolo pipas

na chá xa non canta o eixo

do teu carro poeta manuel maría

pero se seguen a cantar os teus poemas

antes por querencia por homenaxe

agora por todo isto e oportunismo

ti ben o sabes que che vou contar

coma pasa sempre nos homenaxeados

no día e ano das nosas golpeadas letras

non canta na chá o teu carro

non aran os bois pero chove

moito menos que no voso tempo

pero aínda somos o pobo da chuvia

menos pobo polo que estragan os darriba

e porque levamos xa uns anos emigrando

e porque nacen poucas voces que cantar

pero acá seguimos manuel maría

e vémonos o martes se a poesía dispón

na alameda de compostela

manolo pipas

                   a gabriel e fernanda

tegra é ese outeiro

sobre a foz do noso pai miño

que desde sempre une esas dúas terras

esta pequena montaña tegra 

foi poboada hai miles de anos

e incrédula tegra sofría os conflictos

e como dous poderosos separaron

as terras de norte das do sur

tegra é unha cativa choqueira charrúa

que agora vive á beira do río llobregat

sobre ese mediterráneo mare nostrum

mare deles e bastante mare mortum

e de lonxe é coidada polo montseny

coma un monte tegra máis grande

o pai da cativa tegra traballa

cos médicos sen fronteiras

con golpeadas tribos de áfrica central

entre fronteiras de estados fallidos

e tegra soña con ir a esas terras

coas montañas os ríos e as sabanas

pequenos paxaros e grandes elefantes...

e soña xogar con cativas tegras

de fermosa pel escura

netas da montaña da sabana da selva..

o pibe falóunos dos conflictos 

en áfrica central como membro

de médicos sen fronteiras

e estes días en vigo seguen

os eventos destes activistas

manolo pipas

estas vías do tren

xa non agardan ningún comboio

as vias do tren e o campamento

que sobre elas se instalóu

de desprazados mal-refuxiados

en idomeni fronteira entre grecia

e macedonia que agardan !?

agardan un desaloxo

imaxe e cronikas desde idomeni

/anosaxentesolidaridade/

os que conseguen pasar

os aramios manchados de sangue

e son presos acabarán un tempo

entre outros aramios da miseria

ceti centro de estancia temporal

de inmigrantes na colonia de melilla

xa o podedes imaxinar

un campo de concentración

temporal e moderno de desprazados

do capital e das guerras

e está deseñado para 450 persoas

e ten dous mil presos e presas

en ceuta hai outro para 500 persoas

que agora ten perto de mil

criticados pola unión europea

logo de ser construidos no 99

pero agora un exemplo a seguir

nas outras fronteiras

do imperio europeo

porque nos preocupan tanto

os desprazados de idomeni e lesvos

e tan pouco os de tinduf ceuta e melilla?

porque os primeiros están lonxe ?

porque os impoñen os medios !?

porque a maioría son brancos coma nós !?

o cronista