Maio 2020

na nosa barriada
a uns catrocentos metros
a redonda hai seis farmacias
que debe haber moita xente doente
e nas catro máis perto da casa
repartin dúas veces copias dalguns
dos meus poemas e cronikas

tenteino na quinta farmacia
e a farmacética en vez de decirlle
que lles traía uns poemas da crise
dixen que traía información...
e rápido dixome que non a quería
que de información estaban saturadas
e a outra dependenta insistinlle
e tampouco quixo os poemas

a palabra información
neste tempo é case
máis maldita que a poesía
pero probarei na sexta farmacia

o dos versos

maio sen maios nas prazas
nas rúas maio nen cantos
maio sen flores trenzadas
polas cativas dos maios

maio de todos os verdes
nas plantas todas as cores
incrédulas que florecen
coitadas mulleres e homes

maio sen flores nas prazas
mais non se confina o campo
maios con novas palabras
nas xanelas os seus cantos

manolo pipas 

sete semanas de pandemia
e seguen as sanitarias
faltas de epis e mascarillas
seguen a reutilizalas

unha médica xefa de urxencias
e outro médico de nova iorque
suicidáronse por non aturar
tanta e tanta morte

hai unha semana e pico
miles de mascarillas defectuosas
que estaban a contaxiar as sanitarias
tarde foron retiradas pola xunta
e as restantes foron devoltas a china
e o filósofo-ministro de sanidade
dixo que recuperaron todos os cartos
fáltalle ética e decencia a ese señor

os milicos da ume deixan
de fumigar na galiza para preparar
a chamada campaña de incendios
seguirán facendo maniobras entón

na comunidade de madrí
logo deben mellorar as cousas
que a presidenta de pp-cs-vox
manda a sanitarias ao paro
e abandonóu unha reunión
importante para ir a misa
e onte deuse un baño de apertas
no peche do hospital do ifema

conta e desconta
e mal-conta o goberno
fase 0 fase 1 fase 2 …
fase de prepación fase inicial...
e di que non é un plan pechado
na desescalada e nova realidade…
esas fraseciñas de película ou serie
e as palabras bonitas non dan pra comer

o cronista