Decembro 2012

09-12-2012

da folga de vitrasa




os traballadores de vitrasa
os buses urbanos da cidade
están en folga estes dias
reclamando os seus dereitos
que a empresa lles rouba

polas ruas hai unha respetable
cantidade de verdes vitrasas
que chaman servicios minimos
maximas son as diferencias
entre patronal e traballadores
e asi se construe o capitalismo

vitrasa é a empresa que ten
o monopolio do trasporte urbano
e é a herdeira dos queridos tranvias
en corentecatro anos esta é
a primeira folga dos traballadores
e eu como permanente usuario
podo decir que xa era hora

onte vintecinco traballadores
que entraron nun bus para facer
o seguimento da folga foron
secuestrados corentecinco minutos
dentro do bus parado en praza america

na imaxe o campamento vitraseiro
fronte a empresa xa no decimo dia
e mañan facemos outra cronika
unha aperta compas

o cronista
07-12-2012

2uS dous




2uS
swingprovisando
clarinete e guitarra
no cuarto dos ensaios
camiñan coas suas notas
danzan soben pola parede
abren a xanela e saen
ao xardin ao parque ás ruas
non paran de camiñar
con ese mar de soños
     .   .   .   .   . 

escoitei a 2uS dous hai unhas luas
na antiga cociña do bar hipolito
e tardaron estes poucos versos
para fernando abreu e pablo carrera
con alguns titulos do seu disco
que me acompañou noutras escritas
e que escoitando onte sentin
como charango e clarinete
saian do meu aparato pola xanela
ao xardin a pesares da chuvia
e esta noite nunhas horas
pablo carrera compartirá
a humidade de blues clasico
en la pecera da nosa cidade

lariño
06-12-2012

barrio dos corazons




cada casa deste rincón de teis
orixinalmente tiña nas suas contras
estas recoñecidas formas do corpo

o conxunto de casas
é chamado o barrio dos corazóns
debuxos que tamen hai nalgun portal

pero con moi mal sangue
nalgunhas reformas das casas
eliminaron estas delicadas visceras
non poñendo nada no seu lugar

neste rincón de teis
na imaxe duas pombas
e outros dous corazons

lariño



04-12-2012

o cativo e o mapa do tempo




o cativo ten moita curiosidade
e quere saber que din as letras
e ver que esconden os numeros
tamen é outro xogo para el
e gostalle contar o que descobre

dinme a nai e o pai
que a sua teima dos ultimos dias
é co mapa do tempo do periodico
con eses debuxos letras e numeros
e o cativo vainos contando aos maiores
que vai chover en ourense e lugo
e que ali teñen estes e outros grados
esas cousas tamen importantes
do noso tempo

lariño

para breixo e aldara
que xogaba a outras cousas
e para marta e fernando
con imaxe de hai uns dias
con menos frio
02-12-2012

pequeno ritual




atopei no parque
á beira do mar
os restos as probas 
dun pequeno ritual
de materias e formas
minerais vexetais

atopei no parque
a poucos metros do mar
as probas da rapazada
na noite a xogar

lariño



01-12-2012

laverintos da palabra




uns poucos libros de pé
outros están sobre a mesa
agardando que os poetas
os collan e os vaian ler

queremos galego en marin
no morrazo estas palabras
e livres en toda a matria
seguimos a resistir

uns poucos libros na mesa
uns cadros polas paredes
e as voces da porta verde
con outras voces da terra

na noite logo a seguir
nesa ofisina chamada
laverintos da quintana
de mogor e de allariz

manolo pipas

do recital de onte convidado
por queremos galego marin
e a porta verde e compartido
cos poetas alfonso láuzara
asun estévez daniel costas
alba méndez e miguel alonso


01-12-2012

durisimo camiño




un dos paises
mais observados do mundo
é aceptado como membro observador
da desorganizacion das nacions
desunidas do noso tempo

a maioría do seu pobo
sae das suas casas e refuxios
a celebrar este feito
que tanto sangue costou

mentres tanto
o estado colonizador
observa e actúa
e outra vez mata

o cronista